El programa 11x12 tien como oxetivu facilitar la conciliación llaboral, familiar y personal de la ciudadanía de Xixón.
Pa ello, trece centros educativos de la ciudá tán abiertos, 11 hores al día, 12 meses al añu, dando a neñes y niños de los niveles d'infantil y primaria, un programa que combina entretenimientu, actividaes culturales, deportives, organización del tiempu pa facer les xeres escolares y merienda.
Puen participar tolos neños y neñes de la ciudá de Xixón.
El plazu d'inscripción ta abiertu tol añu.
Díes llectivos
El programa funciona dende qu'acaba'l comedor escolar hasta les 6 y media de la tarde de xineru a mayu.
Los meses de xunu y setiembre ye hasta les 6 de la tarde.
Almítese la inscripción de contino o per díes sueltos.
Díes non llectivos
El serviciu funciona de les 9 de la mañana a les 2 de la tarde.
Pue completase con:
- Atención temprana y almuerzu dende les 7 y media de la mañana
- Comedor dende les 2 hasta les 4 de la tarde.
Ye un serviciu pa díes puntuales (Día del profesor/a, llunes d'Antroxu...).
Mesmo pel branu que nos períodos de Navidá y Selmana Santa'l 11x12 el serviciu funciona de 9 a 2 de la tarde
Pa quien lo precise, el serviciu pue complementase con:
- Atención temprana y almuerzu dende les 7.30
- Comedor de 2 a 4 de la tarde.
Pel branu la inscripción mínima ye d'una selmana. Nel restu de periodos almítese la inscripción per díes sueltos.