El Departamentu d’Orientación Llaboral desarrolla tutoríes individualizaes al traviés de la orientación profesional, alcordando coles y colos participantes l’itinerariu d’inserción llaboral a siguir. Tamién organiza aiciones grupales, onde s’entrenen les habilidaes necesaries pa la superación de los procesos de seleición y s’optimicen les estratexes y ferramientes pa la búsqueda d’empléu.
Otra de les sos árees de trabayu ye l’Espaciu TIC d’orientación pa la búsqueda activa d’empléu, onde vas poder desarrollar una búsqueda efectiva al traviés del usu d’Internet y del equipamientu teunolóxicu necesariu. Conoz les sos sesiones formatives.
Ye’l procesu individualizáu d’orientación profesional, onde personal téunicu y persona usuaria alcuerden los pasos a realizar pa conseguir un desarrollu óptimu del itinerariu d’inserción profesional. El so oxetivu ye facilitar el desarrollu de los recursos y competencies de la persona usuaria que-y permitan identificar opciones, escoyer ente elles, tomar decisiones pa planificar actuaciones y evaluar los sos resultados de forma autónoma. Los conteníos de la acción van variar en función del perfil profesional y los requerimientos de la persona demandante d’empléu.
Nel marcu de les actuaciones grupales desarróllense talleres p’afrontar procesos de seleición y entrevistes. Tán orientaes a llograr definir el perfil profesional, amás d’a entrenar les habilidaes que te permitan superar con éxitu un procesu de seleición. Estos talleres incluyen:
-
Ferramientes de búsqueda d’empléu: Dinámiques de grupu, psicotécnicos y test de personalidá
-
Conoz los procesos de seleición
-
Entrevistes de trabayu (I). Teoría
-
Entrevistes de trabayu (II). Práctica, usando téuniques como’l role playing
Si tienes interés en participar nes aiciones grupales has indicalo al inscribite na solicitú d’orientación llaboral.
