Gijón/Xixón dedica munchos recursos a la formación, y una de les llinies de trabayu más recientes, venceyada a la Sala d’Estudiu de la Escuela de Comerciu, ye la formación n’habilidaes d’estudiu al traviés del programa “Aprender a aprender”.
Talleres mui práuticos, d’una hora de duración, que tán adautaos a dellos niveles: estudiantes de Secundaria (primer y segundu ciclu) y estudiantes d’Universidá y/o que preparen oposiciones.
L’oxetivu d’estos talleres ye desarrollar un estilu de deprendizaxe propiu a partir de les fortaleces de caún de los participantes y de delles ferramientes de planificación y téuniques d’estudiu que se van deprender pasu ente pasu a lo llargo de cada taller.
Estudiar ye un procesu complexu, sobre too cuando nun cuentes coles ferramientes afayadices pa organizate,p’ ameyorar la to concentración o pa memorizar. “Aprender a aprender” ofrez dellos talleres práuticos que te van permitir disponer d’habilidaes pa ser quien a sacar el máximu provechu a les tos hores d’estudiu.
Cada taller trata una téunica o conocimientu concretu. Por exemplu, vas poder deprender a organizar un plan d’estudiu selmanal y mensual, a meyorar l’autoestima, a facer resúmenes, a perfeicionar los tos esquemes o a evitar les distraiciones que te quiten tiempu a la de ponete a estudiar.
Los talleres ponlos una persona profesional nel ámbitu de la psicoloxía, con esperiencia nel trabayu con adolescentes y xóvenes.
Tamos trabayando na ufierta nueva d’actividaes, que con toa probabilidá va contar con talleres pal primer y segundu ciclu de la Eso, Universidá y oposiciones. Consulta'l programa de talleres.
Primer ciclu ESO
Sesiones selmanales, pa 1u y 2u d'ESO, con recomendaciones y ferramientes pa potenciar el desarrollu académicu nestos inicios de la educación Secundaria.
Segundo ciclu ESO
Na segunda etapa de Secundaria, ofrecemos talleres selmanales, con actvidaes que van permitir afrontar meyor el día a día nos estudios.
Universidad y Oposiciones
Los talleres para estudiantes de universidad/oposiciones/bachiller se ofertan con periodicidad semanal y se centran en diferentes técnicas para mejorar el rendimiento en tus momentos de estudio.
Familias
Los webinars para familias se ofrecen los sábados. También serán accesibles en diferido para las personas inscritas durante las dos semanas posteriores desde en el canal de Youtube.
Contamos con diferentes plazos d'inscripción mientres l'añu. En cuantes se publique la ufierta d'actividaes pal cursu, la inscripción va poder facese al traviés de la plataforma municipal d'inscripción a actividaes. Como norma xeneral, pa los talleres dirixíos a primer y segundu ciclu de Secundaria faise una inscripción pal ciclu completu de talleres, mientres que pa los d'universidá/oposciones ha de facese una inscripción pa cada taller. Anque tamién tenemos otru tipu d'ufiertes singulares. Consulta los talleres con plazu d'inscripción abiertu y accede a la so inscripción.
