El programa Archivu d’artistes céntrase na recuperación y estudiu de la documentación, d’indole diversa, xenerada polos/es artistes asturianos/es con actividá artística nel sieglu XX, anque ensin escluyir a les xeneraciones nueves.
Son archivos individuales con material de calter bibliográficu, documental, gráficu y museográficu. Ente los materiales conservaos, atopamos monografíes, catálogos d’esposiciones, folletos, artículos de prensa, publicaciones periódiques, fotografíes, bocetos, dibuxos preparatorios, apuntes, maquetes, etc., que convierten estos repertorios en ferramientes d’investigación y difusión imprescindibles pa conocer la trayeutoria profesional de les figures más destacaes del panorama artísticu del nuestru entornu.
La collaboración cola familia de José María Navascués y los legaos Nicanor Piñole y Orlando Pelayo fueron los primeros pasos d’un proyeutu qu’angüaño abarca 32 autores. Una esbilla que ta abierta a la collaboración de tolos/es autores que quieran incorporar el so archivu al fondu del muséu. Los archivos tán en revisión y ampliación continues. Na actualidá, ta faciéndose'l procesu d’incorporación a la Rede, qu’entamó col volcáu del archivu de José Mª Navascués. Tán organizaos por añu de nacimientu.
Artistes primer metá S.XX
- Nicanor Piñole
- Manuel Medina Díaz
- Mariano Moré
- José Prida Solares
- Alfredo Truan
Artistes segunda metá S.XX
- Aurelio Suárez
- Fernando Magdaleno
- Orlando Pelayo
- José Luis Suárez Torga
- Antonio Suárez
- Casimiro Baragaña
- Amador
- Rubio Camín
- Navascués
- Enrique Álvarez Laviada
- Rodolfo Pico
- Juan Botas
Artistes n'activo
- Carlos Roces
- Adolfo Bartholomé
- J. Ramón Cuervo Arango
- Josefina Junco
- Enrique Carlón
- Francisco Fresno
- Pelayo Ortega
- Ricardo Mojardín
- Mª Jesús Rodríguez
- Maite Centol
- Ramón Isidoro
- Jesús Castañón
- Gabriel Truan
- César Ripoll
- Grupo Kula
