Gijón/Xixón siempre s’enfotó na información y l’asesoramientu no tocante a educación y formación. Prueba d’ello ye la publicación añal de la “Guía de educación. La oferta formativa de Gijón” dende va más de 20 años.
Amás de la información básica sobre educación que podemos facilitate nuna primer consulta, ofrecémoste tamién una asesoría especializada en temes d’educación y formación pa toles consultes que precisen un asesoramientu específicu y un mayor afondamientu na materia.
La nuestra Asesoría d’Educación tamién fai publicaciones y pue formar y asesorar a madres, padres y educadores, mesmo qu’a asociaciones xuveniles.
¿Cómo podemos ayudate?
Si necesites información sobre la formación reglada del sistema educativu, o sobre la formación pal emplegu, podemos orientate hacia les distintes posibilidaes formatives en función de los estudios que finalizares. Esti serviciu diríxese sobre too a xente mozo d’hasta 35 años, mesmo qu’a madres, padres y educadores.
¿Qué duldes tienes?
Vamos informate de toles posibilidaes de la ufierta formativa (Universidá, Formación Profesional, Enseñances de réxime especial, formación continua…), les víes d’accesu y requisitos pa caún de los estudios, los plazos de matrícula, les titulaciones, les homologaciones, les pruebes llibres, beques y ayudes, y de tolo que tea venceyao cola formación en xeneral.
La nuestra Asesoría d’Educación atiéndete pel branu de llunes a vienres n’horariu de mañana. Calcando en "Solicitar cita" vas poder ver les cites disponibles pa los díes siguientes. Nel apartáu “Información adicional” de la cita pues añadir, si quies, una descripción curtia del motivu de la to consulta, pa que podamos date una atención meyor. La información que facilites ye confidencial dafechu. Si tienes dalguna dulda pues ponete en contautu cola Oficina de Mocedá de Gijón/Xixón pa que podamos ayudate.
La nuestra Guía d’Educación ofrez una panorámica entera de los estudios que puedes cursar mesmo en Gijón/Xixón que n’Asturies. Vas poder informate sobre la organización del sistema educativu, los requisitos d’accesu a los distintos estudios, plazos de matrícula, beques y ayudes pa los distintos niveles educativos…
Pues descargar per separao caún de los capítulos de la guía, correspondientes a los distintos niveles educativos (Infantil, Primaria y ESO, Bachilleratu, FP, enseñances de réxime especial…).
