Protocolos d'usu Reglamentu d'usu y serviciu de les instalaciones deportives Precios públicos de les instalaciones deportives CORRESPONDENCIeS
Abre: 08:45 Pieslla 18:30 (Temporada baxa).
Salíes al campu dende les 09:00 a las 17:00 hores
Del 1 al 31 d'ochobre y del 1 al 31 de marzu:
Abre: 08:45 Pieslla 20:30 (Temporada baxa).
Salíes al campu dende les 09:00 a las 18:00 hores
Del 1 d'abril al 30 de setiembre:
Abre: 08:15 Pieslla 21:00 (Temporada alta).
Salíes al campu dende les 08:30 a las 20:30 hores
Gijón
Van poder abonase a los campos municipales de golf toles persones que tean en posesión de Llicencia Federativa; consiguiendo, al traviés d’esti Serviciu, ventayes económiques importantes.
Esisten delles formes de reservar les salíes a los Campos Municipales: de forma presencial, vía telefónica y al traviés d’internet (esta última ye válida namás pal Campu Municipal La Llorea).
Rellaciónate col Campu de Golf de La Llorea, y solicita al traviés del Área Privada les tos reserves y tee times. Puen formalizase pa un máximu de 4 xugadores y con hasta una selmana d’antelación.
App Clapphouse
Clapphouse ye una aplicación móvil, al traviés d'ella vas poder xestionar fácilmente les tos reserves y inscripciones; visualizar en tiempu real la participación nos distintos torneos: apertures d'inscripciones, horarios de salida, clasificaciones, etc. Con Clapphouse vas tar informáu sobre aquellos aspeutos que más t'interesen. Descargar el documentu cola información estendida de l'aplicación Clapphouse.
Consulta toles novedaes y conoz tol conteníu informativu venceyau al Deporte y al Golf Municipal.
L'avance del Golf públicu y municipal n'España nos últimos años, y la consecuente supresión de la etiqueta de "elitista" del xuegu, tien a la ciudá de Gijón/Xixón como máximu esponente y responsable direutu del mesmu; fundamentalmente como consecuencia de la construcción, xestión y puesta en funcionamientu del primer campu de golf municipal de propiedá y xestión direuta del nuestru país. El Campu Municipal de Golf de la Llorea, un campu que ta nos terrenos de l'antigua Granxa de Lloreda. Enclaváu nuna rasa costera, llevántase a unos 100 metros sobre'l nivel del mar, que ta mui próximu, divídise en dos partes pela Carretera Nacional 632, que lu atraviesa.
Na zona norte tan los primeros 9 hoyos, una 1a vuelta que castiga a los xugadores qu'abren la bola, al contrariu que los 9 hoyos de la zona sur. El so diseñu, fechu por Roland Favré, ta perfeutamente compensáu.
Los meyores hoyos y más emblemáticos de la 1a vuelta, son l'hoyu 4, un par 4 de 406 metros con un green mui pequeñu, ensin impedimientos frontales pero con munchos problemes pel fondu y dambos llaterales; y l'hoyu 7, que ye un buen par 4 de 405 metros. Yá na 2a vuelta atopámonos colos dos meyores pares tres del recorríu: l'hoyu 13 de 188 metros y green anchu pero mui cortu pel fondu, y l'hoyu 16 otru par 3 de 20 metros que se xueguen mientres práuticamente tol añu con vientu en contra. Trátase en definitiva d'un campu non mui llargu, anque sí téunicu, que va facer disfrutar a los y les glofistes de tolos niveles.
Ente otros servicios, el campu tien campu y greenes de práutiques, campu de croquet, ximnasiu, sala indoor, hotel, cafetería/restaurante, tienda y escuela de golf.
Ún de los oxetivos estratéxicos esenciales na actividá de les instalaciones, dende la so puesta en funcionamientu, ye'l de fomentar y promocionar la práutica de golf ente los más mozos. D'anguaño tán en funcionamientu dos Escueles Deportives de Golf, una en cada campu. Acoyendo a más de cien xugadores mozos menores de 18 años, xóvenes qu'al traviés de los consiguientes alcuerdos y en función de la so edá y nivel de xuegu, acceden al campu de forma gratuita. Les mesmes Escueles organicen, mientres tol añu, competiciones adautaes al nivel de los alumnos y alumnes con diferentes dificultaes y percorríos; competiciones gratuites.
