Si yes padre o madre (o tutor/a llegal) d'un fíu/fía de 0 a 5 años, pues participar nesti taller grupal de baldre sobre lo que los neños y les neñes necesiten pa desarrollase y crecer con bienestar, nos primeros años de vida.
El vínculu qu'establecemos colos nuestros fíos y fíes nestos años ye mui importante pa que se sientan seguros/es y pa que confíen en nosotros/es como persones que-yos van sirvir de guía y referencia a lo llargo de tola infancia y tola adolescencia.
Va permitite conocer cómo s'establez la rellación y el vínculu colos fíos y fíes, mesmo que compartir esperiencies con otros padres y madres sobre la crianza y educación de los neños y de les neñes. Nel taller van trabayase cinco grandes bloques temáticos:
- El desarrollu del vínculu afectivu.
- Conocer a los fíos y fíes.
- Regular el comportamientu infantil.
- La primera rellación cola escuela.
- Educar ¿una tarea en solitariu?
El taller tien una duración de 10 sesiones, tien periodicidá selmanal y cada seisón dura 2 hores. Les sesiones tán dinamizaes por profesionales de los Servicios Sociales Municipales, que s'encarguen d'introducir los temes y les actividaes, de manera que les persones participantes puedan apurrir los sos conocimientos y esperiencies y compartilos col restu.
A lo llargo del añu van creándose grupos según la demanda de places. Puedes solicitar la to plaza al traviés del enllaz siguiente.
El taller Creciendo nel afectu ye una de les actividaes de la "Escuela de Families" de la Fundación Municipal de Servicios Sociales de Xixón. Pues consultar información detallada al respeutu nel documentu téunicu publicáu.