Has venir a descubrir les histories fantástiques que guarden los nuestros llibros. Has abrir bien los güeyos y les oreyes pa disfrutar de les aventures que se cuenten nellos.
Los Cuentacuentos son una de las actividaes más importantes d’animación a la llectura infantil nes biblioteques municipales de Gijón/Xixón. El so oxetivu ye averar el llibru a les y los más peques pente medies de la narración oral, convirtiendo l’actu de leer en dalgo prestoso y atrayente.
![imagen cuentacuentos 1](/sites/default/files/styles/imagen_galeria/public/2021-02/Cuentacuentos%201.jpg?h=e9ed81df&itok=9X4PiHaO)
![imagen cuentacuentos 2](/sites/default/files/styles/imagen_galeria/public/2021-02/Cuentacuentos%202.jpg?h=ed376f01&itok=i_xV6o1Q)
![imagen cuentacuentos 3](/sites/default/files/styles/imagen_galeria/public/2021-02/Cuentacuentos%204.jpg?h=7885fecb&itok=7boagtX5)
Los Cuentacuentos son actividaes d’animación a la llectura dirixíes a neñes y neños d’ente 4 y 8 años.
Pa poder asistir a les sesiones de Cuentacuentos nes biblioteques de la rede del conceyu ye necesario facer inscripción previa al traviés d’esti trámite. Va poder facese dende les 9:00 h. del primer día hábil posterior a la última sesión de cuentacuentos hasta’l día de l’actividá.
P’acceder a l’actividá’l día de la sesión ye necesario presentar el xustificante de la inscripción. N’empezando’l cuentacuentos, yá nun va permitise l’accesu a la sala, polo qu’encamentamos llegar con dalgo d’antelación.
En casu de nun poder asistir a la sesión va haber qu’avisar a la biblioteca pa permitir l’accesu a otra persona usuaria que tea en llista d’espera. En casu contrariu perderíase’l derechu a inscribise nesta actividá demientres les dos sesiones siguientes.
![Red de bibliotecas](/sites/default/files/styles/imagen_4_3/public/2019-04/Red%20de%20bibliotecas.jpg?h=951768d2&itok=mOsNktyH)
![alumnos en clase con ordenadores](/sites/default/files/styles/imagen_4_3/public/2020-05/bibliotecas%20desinformacion%20solicitud.jpg?itok=gkhWr86k)
![gallina de peluche leyendo libro](/sites/default/files/styles/imagen_4_3/public/2020-05/bi.bliotecas%20el%20come%20libros.jpg?h=5a5984eb&itok=LWgpKUmj)