Xuegu online pa disfrutar en familia nel que, al tiempu que se lleven alantre misiones pa llegar a un oxetivu final, pueden facese visites virtuales a los equipamientos arqueolóxicos de Gijón/Xixón y conocer cómo yeren les biblioteques na ciudá nel sieglu IV.
El xuegu, tipu "breakout", permite participar de baldre a toles persones que quieran, namás con acceder al traviés del enllaz habilitáu pa ello. Amás, al ser online, El misteriu del aniellu desapaecíu puede disfrutase en cualesquier momentu y en cualesquier parte del mundu.
Con El misteriu del aniellu desapaecíu adientrámonos nuna aventura ambientada nel Xixón romanu del sieglu IV de la nuestra era. Dómina na qu’Antonius Carisius, comerciante hispalense, viaxa a la nuestra ciudá col envís de negociar cola afamada fábrica de salazones "La Marsalona" la compra d’un cargamenu de sardines salones pa un señor importante de Britania.
Sicasí, tres d’una nueche disfrutando nes tabernes del muelle, Antonius Carisius pierde l’aniellu, imprescindible pa sellar la operación comercial, poniendo asina en riesgu la so reputación y la de los collacios.
Nun ta de más aclarar que’l Departamentu de Museos de la Fundación Municipal de Cultura, Educación y Universidá Popular permitió a les creadores del xuegu dalguna llicencia histórica pa facer más creíble’l relatu, que non por ello dexa de ser fiel a la época na que ta ambientáu.
