El Xuegu de la Biblio ye una adaptación llibre del perconocíu Xuegu de la Oca. Un tableru grandón alredor del que se coloquen cuatro equipos dispuestos a echar una partida mui bibliotecaria.
Les casiyes colos sos avances y penalizaciones, el pozu del nun saber... too tien que ver con distintos aspeutos venceyaos cola organización y l’usu de la biblioteca. Un percorríu onde tamién hai preguntes y pruebes, too ello nun viaxe emocionante nel que les “oques” se tresforman en diferentes y sorprendentes tipos de “biblios” esistentes nel mundu.
El Xuegu de la Biblio ye una actividá de formación nel usu de la biblioteca dirixida a grupos d’escolares de 3er cursu d’Educación Primaria de los centros educativos de Gijón/Xixón.
El profesoráu puede contautar cola biblioteca más cercana al so centru educativu pa facer la solicitú al traviés d’esti trámite. Va facese una solicitú por cada actividá demandada y clase. El personal bibliotecariu va informar sobre qué actividaes ufierta cada biblioteca y va asignar les places n’estudiando la demanda.
