La nuestra ciudá ofrez diferentes equipamientos dirixíos de mou específicu a la mocedá y asociaciones xuveniles. Nellos vas poder aconceyar con otres moces y mozos, facer les tos actividaes, participar en cursos y talleres, tener un espaciu pal trabayu de la to asociación o averate a la creación artística.
L’usu de los equipamientos ye gratuitu dafechu na mayoría de los casos.
Si busques un sitiu pa la organización d’una actividá, l’Espaciu Mozu de la Escuela de Comerciu puede ser lo que necesites. Trátase d’una sala de 125 m2, xestionada pola Oficina de Xuventú, nel centru de la ciudá. L’Espaciu Mozu tien dos espacios diferenciaos.
Per un llau tien una antesala con capacidá pa 15 persones, con sofás y meses baxes. Ye un espaciu que puede ser afayadizu para reuniones, grupos de trabayu, presentaciones de llibros, charres o debates informales, ruedes de prensa, etc.
Per otru llau, tien un aula con capacidá pa 30 persones, equipada con meses y sielles, que puede ser bona pa cursos, talleres, proyeiciones, conciertos pequeños, grupos de trabayu, entrega de premios o actos de protocolu, reuniones y otros usos. Ye posible montar l’aula con otres configuraciones distintes y ampliar la so capacidá p’actividaes concretes: por exemplu, pa una proyeición van poder retirase les meses, colocar siellas plegables y ampliar la capacidá a 50-60 personas.
L’Espaciu Mozu van poder solicitalu, de manera gratuita, asociaciones xuveniles, entidades qu’empresten servicios a la mocedá y rapaces y rapazos pa la celebración d’actividaes culturales, educatives y sociales. Va ser requisitu imprescindible que les actividaes que s’organicen seyan siempre pa mocedá o feches por xente mozo y abiertes y gratuites dafechu pal públicu qu’asista a elles.
Gijón/Xixón tien un programa de sales d’estudiu del conceyu que formen una ufierta amplia, flexible y orixinal, con ufiertes como la de la sala d’El Coto (abierta 24 hores al día, 365 díes al añu) o la sala d’estudiu en grupu del mesmu centru, que puede reservase por un grupu d’hasta seis persones pa preparar una intervención, una entrevista o un trabayu académicu. N’época d’esámenes otres Sales d’Estudiu amplíen tamién los sos horarios (incluyendo abarcando fines de selmana, festivos y ampliación del serviciu 24 hores).
Si t’animes a estudiar, has pasar pela oficina de mocedá a ver qué servicios tenemos pa ti, como’l nuestru programa de técniques d’estudiu "Aprender a aprender", ente otros
El Centru de Recursos pa Xente Mozo ofrez distintos servicios p’asociaciones xuveniles y pa xente mozo (salón d’actos, hotel d’asociaciones, sala d’estudiu...), ye la sede del Conseyu de Mocedá de Xixón y nél ta la Sala d’esposiciones Astragal, un espaciu espositivu dirixíu a artistes menores de 30 años.
El Centru d’Iniciatives Xuveniles de La Calzada ye un centru xuvenil allugáu na zona Oeste de Gijón/Xixón, con distintos servicios y actividaes pa xente mozo, dinamizáu pola Fundación Mar de Niebla. Tien un Puntu d’Información Xuvenil, sala d’ociu, taller de radio, sala de navegación... y organícense talleres de tou tipu a lo llargo del añu.
Los Locales d’Ensayu y Creación "René de Coupaud" ponen a disposición de toles persones aficionaes a la música y profesionales, distintos equipamientos y servicios d’apoyu a la creación y la formación musical: 13 locales d’ensayu insonorizaos de diferentes tamaños, estudiu de grabación y aules pa los cursos de música de la UP.