¿Sabíeis qu’una visita inocente a la biblioteca puede convertise nun encierru terroríficu?
Delles vegaes, cuando grupos d’escolares visiten la biblioteca, dalguién escuende les llaves del edificiu dientro d’un “cryptex” y zárralu pa que naide nun pueda acceder a elles. Nestes ocasiones les y los escolares visitantes nun pueden volver al colexu hasta que consiguen abrir la caxa y recuperales. Pa ello tienen qu’averiguar de manera collaborativa les cuatro cifres que formen la clave d’apertura, que tán rellacionaes cola novela de Frankenstein. ¿Si vos pasara a vós sedríeis quien a descubrir la clave y recuperar les llaves?
El Escape Room Frankenstein ye un xuegu basáu na novela de Mary Shelley col que l’alumnáu participante deprende distintos aspeutos venceyaos cola autora d’esta novela, cola obra, el personaxe, y la época na s’escribió. Pa ello faen diferentes pruebes rellacionaes con aspeutos básicos de la busca d’información n’Internet.
El Escape Room Frankenstein ye una actividá d’alfabetización informacional dirixida a escolares del últimu ciclu d’Educación Primaria de los centros educativos de Xixón.
El profesoráu puede contautar cola biblioteca más cercana al so centru educativu pa facer la solicitú al traviés d’esti trámite. Va facese una solicitú por cada actividá demandada y clase. El personal bibliotecariu va informar sobre qué actividaes ufierta cada biblioteca y va asignar les places n’estudiando la demanda.
