Les Escueles Taller y los Talleres d’empléu son programes mixtos d’empléu y formación de calter temporal que tienen como oxetivu ameyorar la emplegabilidá de les persones ensin trabayu al traviés de la cualificación en certificaos de profesionalidá y la execución d’obres o servicios d’utilidá pública, que sirvan d’esperiencia práutica nel ámbitu de la formación profesional recibida. La finalidá última ye facilitar la inserción llaboral de les persones participantes. Les Escueles Taller van dirixíes a xente mozo en situación de desempléu con edaes ente los 16 y los 24 años y tienen una duración máxima de 18 meses.
El próximu 1 d'ochobre van entamar a funcionar dos nuevos proyeutos: la Escuela Taller "Gijón Servicios" y la Escuela Taller "La Tejerona".
La Escuela Taller Servicios a la Comunidad tien cuatro módulos, atención sociosanitaria, páxines y aplicaciones web, servicios d’oficina y turismu. Pela so parte, la Escuela Taller Sendas Verdes estructúrase en dos módulos, xardinería y carpintería.
Escuela Taller Gijón Acompaña
Esti módulu, con 8 places, permite consiguir dos certificaos de profesionalidá:
-
SSCS0108 Atención sociosanitaria a persones nel domiciliu.
-
SSCS0208 Atención sociosanitaria a persones dependientes n’Instituciones Sociales.
L’alumnáu trabaya sobre manera en collaboración con entidaes ensin ánimu de lucru qu'atienden a persones dependientes.
Les 8 places d’esti módulu tán empobinaes a consiguir un certificáu de profesionalidá:
-
HOTI0108 Promoción turística local y información al visitante.
L’alumnáu trabaya en collaboración col Área de Turismu de la empresa municipal Divertia Gijón, S.A y la Fundación Municipal de Cultura y Universidá Popular, na dinamización y meyora de la oferta turística y cultural en Xixón.
Esti módulu, con 8 places, permite consiguir dos certificaos de profesionalidá:
-
IFCD0110 Confeición y publicación de páxines WEB.
-
IFCD0210 Desarrollu d’aplicaciones con teunoloxíes.
L’alumnáu desarrolla aplicaciones web dientro del ámbitu municipal, rellacionaes cola rellación de la ciudadanía y el Conceyu por medios informáticos.
Les 8 places d’esti módulu tán empobinaes a consiguir dos certificaos de profesionalidá:
-
ADGG0408 Operaciones auxiliares de servicios alministrativos y xenerales.
-
ADGG0508 Operaciones de grabación y tratamientu de datos y documentos.
L’alumnáu trabaya en dependencies municipales llevando alantre una función doble, d’auxiliar de servicios, con atención al públicu en distintos servicios municipales, y d’operador/a de datos, catalogando fondos museísticos y bibliográficos de les árees de la Fundación Municipal de Cultura, Educación y Universidá Popular.
Escuela Taller La Casina
Esti módulu tien 8 alumnos/es que quieren consiguir dos certificaos de profesionalidá:
-
AGAO0108 Actividaes auxiliares en viveros y xardinos y centros de xardinería.
-
AGAO0208 Instalación y mantenimientu de xardinos y zones verdes
Van trabyar axardinando varies zones de la ciudá y va collaborar nel mantenimientu y establecimientu de nueves zones nel Xardín Botánicu de Xixón.
Les 8 places d’esti módulu tán empobinaes a consiguir dos certificaos de profesionalidá:
-
MAMD0209 Trabayos de carpintería y mueble.
-
MAMS0108 Instalación d’elementos de carpintería.
Igua obres de dellos tipos. Fabrica moblame y elementos de xuegu pa les escueles infantiles, collabora na recuperación de viviendes sociales, realiza construcciones de madera pal Xardín Botánicu.
Con 8 places esti módulu persigue la obtención de dos certificaos de profesionalidá:
- EOCB0208 Operaciones auxiliares d'albañilería de fábriques y cubiertes
- EOCB0108 Fábriques d'albañilería
Va realizar obres de recuperación de viviendes sociales y otres obres d'interés pa la ciudá.
Estos proyeutos tienen la cofinanciación del Serviciu Públicu d’empléu del Principáu d’Asturies.
