Espaciu equipáu con ordenadores y asesoramientu personalizáu pa la meyora del perfil profesional, la marca personal o’l posicionamientu en redes sociales. Desarróllense aiciones formatives sobre alfabetización dixital, ferramientes de busca d’emplegu n’Internet, redes sociales profesionales y ofimática. L’espaciu tamién puede usase, pente medies de cita previa, de forma llibre, pa desarrollar una busca activa d’emplegu al traviés d’Internet. El Departamentu d’Orientación Llaboral de l’Axencia Local de Promoción Económica y Emplegu xestiona esti espaciu na so sede d’El Coto.
De forma periódica esti programa ofrez aiciones formatives grupales, y asesoramientu personalizáu, pa que puedas posicionar, de la meyor forma, el to perfil n’Internet, de cara a una busca d’emplegu exitosa al traviés de la Rede. Deprendi a xestionar la to marca personal y a emplegar toles ferramientes necesaries pa facer una busca d’emplegu efectiva.
Alfabetización dixital
Sesión formativa sobre l'usu de los recursos que faciliten la inserción llaboral al traviés d'Internet (8 hores):
- Averamientu al corréu electrónicu
- Cómo unviar un currículum vitae (CV) per corréu electrónicu
- Cómo unviar un currículum vitae (CV) per correu electrónicu II
- Modifica'l to currículum
Busca d'emplegu n'Internet
Sesión formativa sobre l'usu de los recursos que faciliten la inserción llaboral al traviés d'Internet (8 hores):
- Busca emplegu per Internet, una visión xeneral
- Portales d'emplegu
- Bolses d'emplegu y autocandidatura
- Sesión práutica d'Infojobs
- Trámites e-Alministración
Redes sociales profesionales
Sesión formativa empobinada a conocer l'usu de las redes sociales pa la busca d'emplegu. Nelles vas deprender qué ye LinkedIn y cómo utilizalo pa sacar el máximu provechu al to perfil y establecer una rede profesional.
Ofimática
Sesiones formatives de Word y Excel pa les persones que participen nos itinerarios d'Orientación Llaboral.
Tutor TIC
Sesión formativa individual sobre l'usu de los recursos que faciliten la inserción llaboral a traviés d'Internet de la mano d'un/a profesional especializáu/ada.
