Actividá física empobinada a persones mayores de 15 años. Los cursos son mensuales, dos díes a la selmana en sesiones de 45 minutos. Fáense dende ochobre a xunu. Imprescindible saber nadar.
Importante: los mayores de 65 años van tener qu’inscribise na actividá correspondiente y, n’inscribiéndose, el Centru de Medicina va da-yos cita pa pasar el reconocimientu médicu que tien un preciu de 18,70 euros, pudiendo empezar l’actividá ensin tener fechu tovía’l reconocimientu.
Esta actividá combina la práutica de delles téuniques: Aquapilates y Aquarunning col trabayu de tonificación en forma de circuitu (Fitness Acuáticu), aprovechando los beneficios positivos d’esti mediu p’ameyorar la condición física de los y les participantes.
La solicitú de participación pue realizase al traviés del trámite d'inscripción a actividaes. La información sobre fecha y sitiu de realización, horariu, númberu de places y preciu va poder visualizase nel propiu trámite d'inscripción de cada actividá mientres dure'l periodu de matrícula.
L’aquapilates usa los exercicios de Pilates adautándolos al agua. Tien como oxetivos: la meyora postural, l’estiramientu muscular, mesmo que la proteición de la columna vertebral. Utilícense como principios d’actuación: la concentración y la respiración torácica, lo que da fluidez, precisión y control.
Ye un métodu novedosu pero fácil y natural: correr nel agua, lo que supón vencer la fuercia qu’exerce l’agua sobre’l cuerpu. L’aquarunning ameyora la movilidá y la condición física. Ta indicao sobre manera pa persones con sobrepesu, con problemes articulares, que tengan una condición física mui baxa o que tean en fase de recuperación de lesiones.
Son una serie d’exercicios de tonificación muscular colos que se trabayen dellos grupos musculares ayudándose pa ello de la resistencia al movimientu qu’opón l’agua. Úsase tamién material auxiliar: mancuernes, gomes, manoples.
Los mayores de 65 años van tener qu’inscribise na actividá correspondiente y, n’inscribiéndose, el Centru de Medicina va da-yos cita pa pasar el reconocimientu médicu, pudiendo empezar l’actividá ensin tener fechu tovía’l reconocimientu.