El programa ‘Joven Ocúpate’ ye una aición de formación n’alternancia col emplegu empobinada a moces y mozos mayores de 16 años y menores de 30, que tean desemplegu y de mou preferente, ensin graduáu n’ESO.
Al traviés del programa llógrase un certificáu de profesionalidá nivel 1 y formación en competencies clave, qu’abren la puerta pa cursar la formación en cualesquier certificáu de profesionalidá nivel 2.
Demientres los 3 primeros meses:
- El 80% de la xornada dedícase a la formación en competencies clave y nel certificáu de profesionalidá.
- El 20% de la xornada ye trabayu efectivu.
Recíbese una remuneración equivalente al 30% del Salariu Mínimu Interprofesional, amás de la parte proporcional de pagues estra.
Los 3 segundos meses:
- El 50% de la xornada dedícase a la formación.
- L'otru 50% de la xornada ye trabayu efectivu.
Recíbese una remuneración equivalente al 50% del Salariu Mínimu Interprofesional, amás de la parte proporcional de pagues estra.
Los 3 últimos meses:
- El 25% de la xornada dedícase a la formación.
- El 75% de la xornada ye trabayu efectivu.
El 7u y 8u mes recíbese remuneración equivalente al 75% del Salariu Mínimu Interprofesional, amás de la parte proporcional de pagues estra. El 9u mes recíbese una remuneración equivalente al 100% del Salariu Mínimu Interprofesional, amás de la parte proporcional de pagues estra.
Pa participar nel programa ‘Joven Ocúpate’ ye necesario inscribise nel sistema Nacional de Garantía Xuvenil.
¿Cómo inscribise nel Sistema Nacional de Garantía Xuvenil?
- Rellenamos un impresu pa solicitar usuariu y contraseña y entregámoslu nuna oficina d’emplegu.
- Recibimos per SMS o corréu electrónicu un códigu d’activación. Activamos el nuestru usuariu.
- Rexistrámonos en Garantía Xuvenil al traviés d’Internet, rellenando un formulariu.
Certificaos de Profesionalidá Nivel 1 a los que se puede optar
Vas aprender a:
- Facer la llimpieza de suelos, parés y techos n'edificios y locales.
- Llevar alantre la llimpieza del moblame allugáu nel interior de los espacios a intervenir.
- Facer la llimpieza de cristales n'edificios y locales.
- Facer la llimpieza y tratamientu de superficies n'edificios y locales emplegando maquinaria.
Vas poder trabayar de:
- Personal de llimpieza o llimpiador/a, en xeneral.
- Cristaleru/a d'edificios.
Proyecto cofinanciado por la convocatoria ÉFESO (Programa de Empleo, Educación, Formación y Economía Social del Fondo Social Europeo Plus FSE+) que promueve la Dirección de Cooperación Autonómica y Local del Ministerio de Política Territorial y Memoria Democrática.
