Nesta actividá Caillou, el conocíu personaxe infantil, enseña a les y los escolares les normes de la biblioteca y lo qu’hai que facer pa garrar llibros y otros documentos n’empréstamu. Fála-yos de la importancia de cuidar estos materiales y d’evitar accidentes como’l que-y pasó a él mesmu cuando ensin querer pintó ún de los llibros que llevara de la biblioteca. Tamién aprenden al traviés d’un xuegu d’asociaciones a alcontrar y colocar los llibros que más-yos presten, y a conocer el significáu de los iconos de materia que tán pegaos en llibros y baldes.
Lleer sienta bien ye una actividá de formación nel usu de la biblioteca dirixida a grupos d’escolares de 2u cursu d’Educación Infantil de los centros educativos de Xixón.
El profesoráu puede contautar cola biblioteca más cercana al so centru educativu pa facer la solicitú al traviés d’esti trámite. Va facese una solicitú por cada actividá demandada y clase. El personal bibliotecariu va informar sobre qué actividaes ufierta cada biblioteca y va asignar les places n’estudiando la demanda.
