Control de residuos, enerxíes renovables, aforru d’agua, certificación enerxética, auditor/a ambiental… Estes son namás dalgunes d’ente la bayura d’actividaes pa les que se piden profesionales especializaos/es en mediu ambiente. El campu d’actuación de los “trabayos verdes” enánchase cada vez más.
El mediu ambiente, por suerte, arródianos demientres gran parte de les nuestres vides, ye por ello polo qu’esisten una montonera de profesiones que xiren al rodiu d’él: graos universitarios; ciclos formativos o certificaos de profesionalidá van date la formación que precises pa poder dedicate a ello. Pero, amás, les y los distintos profesionales qu’acuden cada añu a esti alcuentru, van traete distintes profesiones que tienen una venceyu fuerte col mediu ambiente y que van permitite ampliar les tos posibilidaes d’eleición.
L’alcuentru con profesionales de "Los oficios del mediu ambiente" suel facese la última selmana de mayu.
¿Preocúpate’l mediu ambiente? ¿Prestaríate trabayar en dalgún oficiu rellacionáu col so cuidáu? Esti folletu va date delles pistes de cómo convertir esi interés na to profesión, viendo qué estudios venceyaos col mediu ambiente puedes facer n’Asturies, amás de munchos datos d’interés sobre mediu ambiente.
Ta ellaboráu cola collaboración del Área de Mediu Ambiente del Conceyu de Gijón/Xixón, y l’asesoramientu de la Conseyería d’Educación y Cultura, del Dptu. D’Inxeniería Química y Teunoloxía del Mediu Ambiente de la Universidá d’Uviéu y d’ACASTUR (Asociación de Ciencies Ambientales d’Asturies).
