Programa d’enseñu de la natación que se fai na piscina del C.D Moreda-Natahoyo, empobináu a les persones con discapacidá física. Preténdese que l’alumnáu algame’l dominiu del mediu acuáticu dientro de les sos posiblidaes. L’enseñu va adautase de manera individual a cada alumnu/a, buscando la so integración nos cursos habituales, siempre que la so discapacidá lo permita.
Los cursos son mensuales con sesiones de 30 minutos, dos díes a la selmana y tienen una duración dende ochobre hasta xunetu.
Les inscripciones van ser presenciales nel Centru de Medicina Deportiva onde se va realizar un reconocimientu médicu obligatoriu pa valorar l’estáu xeneral y los posibles problemes énte’l mediu acuáticu. Nesi momentu va presentase’l certificáu qu’acreite’l grau de discapacidá reconocíu pola Alministración del Principáu d’Asturies mesmo qu’otru tipu de documentación qu’informe sobre l’estáu del alumnu/a.
La solicitú de participación pue realizase al traviés del trámite d'inscripción a actividaes. La información sobre fecha y sitiu de realización, horariu, númberu de places y preciu va poder visualizase nel propiu trámite d'inscripción de cada actividá mientres dure'l periodu de matrícula.
