Trátase d'un programa que cumple 11 años en 2024, pensáu pa favorecer la creación de coros nes escueles de Xixón, y pa que l'alumnáu del Conceyu s'avere a la música coral y tradicional.
El proyeutu “Cantar presta muncho” tien l’envís d’averar a los escolinos y escolines del nuestru conceyu a la música coral d’una manera cenciella, abierta, activa y participativa. La idea ye ufiertar el proyeutu a tolos colexos d’Educación Primaria del conceyu de Xixón, a los que yá tienen coru escolar y a los qu’ensin tenelu-yos abulta interesante la propuesta.
El músicu Nacho Fonseca va asesorar al profesoráu que participe en “Cantar presta muncho” pa que seya quien a desenvolver los conteníos propuestos de la meyor manera posible.
Pártese del cancioneru tradicional asturiano y de música más moderna como referencia d'entamu. Los coros van cuntar con material d'apoyu al desarrollu de l'actividá nos centros: esto ye, con un cancioneru que recueye 70 cantares tradicionales y modernos (lletra, partitura y discu con bases musicales).
Van programase conciertos de primavera nos centros municipales y, pa pesllar el cursu, una xornada festiva y de convivencia de tolos escolinos y escolines participantes que va rematar con un macroconciertu nel teatru Xovellanos.