Rellaciones col texíu empresarial avérate a toles iniciatives, recursos y apoyos que dende la Axencia Local de Promoción Económica y empléu del Conceyu de Xixón ponemos a disposición de les empreses: axencia de colocación, programes de práutiques non llaborales, subvenciones a la contratación, ente otres. Tamién puedes ser empresa collaboradora y comprometida col desarrollu económigu y l'empléu de Xixón, participando n'iniciatives d'alcuentru con persones desemplegaes y en proyeutos de networking.
Asesoramos y informamos a les empreses y entidaes empresariales de toles cuestiones relatives a la incorporación de talentu y de les midíes d'apoyu qu'esisten, derivando a otros recursos en función de les necesidaes. Contauta con nós, hai munches oportunidaes pa collaborar y trabayar a comuña.
La nuestra Axencia de Colocación empobínase tanto a les empreses como a les persones en búsqueda d'empléu. Realiza’l llabor d’intermediación llaboral, captando ofertes d’empléu y ofreciendo a les empreses interesaes en desarrollar el so procesu selectivu con nós, la derivación de les persones candidates ideales pa la so oferta.
El Conceyu de Xixón tien ayudes añales a la contratación pa la incorporación de persones en desempléu a les empreses y entidaes de la ciudá. Tamién desarrolla planes d'empléu de calter públicu-priváu al traviés de subvenciones que fomenten la xeneración de puestos de trabayu nuevos n'ocupaciones tovía por desarrollar. Les entidaes empresariales tamién tienen accesu a un programa d'ayudes pa desarrollar proyeutos en rede. Infórmate:
Esisten distintes víes pa ser empresa collaboradora y comprometida col desarrollu económicu y d'empléu de Xixón: acoyendo mocedá en práutiques non llaborales de la nuestra Axencia d'Activación Xuvenil, una forma eficaz d'entrar en contautu col talentu mozu, collaborando nos nuestros eventosde networking, con oxetu de compartir el conocimientu del mercáu de trabayu, orientando de primer mano a les persones en busca d'empléu
