Promoviendo’l caminar como vezu saludable y poponiendo’l caleyar como remediu indispensable pa vivir, 39 rutes pa tolos niveles físicos, n’horarios de mañana y tarde.
Caleyando pela vida promueve l’actividá física na población xixonesa col envís de disminuir el sedentarismu. Esta iniciativa de carauter tresversal na que collaboren les conceyalíes de Servicios Sociales y Deporte entama la so andadura nel últimu trimestre del añu 2006. Dende entós, el programa esperimentó un aumentu progresivu de participación, especialmente nel públicu femenín. Caleyando pela vida enmárcase nes actuaciones pa facer de Xixón una ciudá saludable, empobinaes a fomentar estilos de vida saludables al traviés de la práutica d’exerciciu al aire llibre, emplegando la gran variedá de rutes y d’espacios verdes de los que dispón el conceyu de Xixón.
En cada ruta ufiértense 51 places, que van tar supervisaes por 3 monitores:
El programa, venceyáu al cursu escolar, entama en setiembre pa rematar en xunu. Pónense en marcha novedaes qu’amplíen y acentúen los oxetivos establecíos nel so entamu sorrayando:
-
Promover una vieyera activa al traviés del incentivu de l’actividá física como meyora de la salú, de les rellaciones y de la participación de les persones.
-
Promover más activamente consiguir estilos saludables de vida, evitando’l senderismu al traviés del exerciciu físicu y informando sobre les pautes necesaries.
-
Incorporar al programa a más y diferentes persones de les que vienen asistiendo davezu nos años últimos.
-
Fomentar ente les persones participantes el caleyar tolos díes, seya de forma individual o en grupos pequeños.
-
Crear redes sociales de persones que salgan a andar davezu en grupu pero de manera autónoma.
-
Algamar la participación de más de 2.000 persones nesta campaña.
Programáronse 39 rutes:
-
30 rutes de martes a xueves n’horariu de 10:00 a 13:00h.
-
6 rutes n’horariu de tarde de 16:30 a 18:30h.
-
2 rutes familiares en sábadu de 10:30 a 13:30h.
-
1 ruta especial de 10:00 a 17:00h.
Dos de les rutes del mes de setiembre prográmense dientro de la Selmana de la Movilidá:
-
Ruta 3: Parque Isabel La Católica, sábadu 19 de setiembre, familiar.
-
Ruta 4: L’Arbeyal-Cimavilla, martes 22 de setiembre.
Esta actividá va dirixida al conxuntu de la ciudadanía residente nel conceyu de Gijón/Xixón, incidiendo de mou especial en dos sectores de la población: les persones mayores, les que nun faen davezu exerciciu físicu, y les families.
Esti programa ye de baldre pa les persones participantes. La inscripción puede facese en cualesquier Oficina d’Atención a la Ciudadanía, Caxeros Ciudadanos o n’Internet, dende la selmana enantes a la fecha de la ruta (ye imprescindible la Tarxeta Ciudadana).
La rede d’ocho percorríos pel conceyu de Xixón, entamada en 1990, tien más de cincuenta kilómetros pa caminar al aire llibre nos que conviven la historia rica y les tradiciones de la rexón, amás de la so flora y fauna bien variada.
Iniciativa pa descubrir y difundir los valores del entornu rural al traviés de la propuesta d’una serie d’itinerarios p’adientrase nes sos parroquies pedaliando y caleyando. ‘Xixón ye Rural’ reconoz el protagonismu del mediu rural na conservación de la cultura, del patrimoniu y del mediu natural y quier tresmitir la so importancia a la sociedá urbana col envís de respetalu y preservalu. Pues acceder a les rutes al traviés de distintos dispositivos, como pue ser el to teléfonu móvil.
