La Ciudá de Xixón ye la única n’España que tien dos campos municipales de golf. El C.M.G La Llorea y el C.M.G El Tragamón, dambos constituyen el Golf Municipal de Xixón que xestiona’l Conceyu al traviés del Patronatu Deportivu Municipal.
REGLAMENTU D'USU Y SERVICIU D'INSTALACIONES DEPORTIVES PRECIOS PÚBLICOS DE LES INSTALACIONES DEPORTIVES
Consulta toles novedaes y conoz tol conteníu informativu venceyáu al Deporte y al Golf Municipal.
Ta enclaváu nuna rasa costera, a unos 100 metros d’altor sobre’l nivel de la mar, que ta mui cerca. Constituye’l primer campu de golf reglamentariu de 18 furacos de propiedá y xestión municipal del nuestru país. Seis percorríos diferentes faen que seya entreteníu, xugable y accesible pa xugadores de tolos niveles.
Ye un campu de golf semirústicu de 9 furacos, allugáu na parroquia de Castiello Bernueces, a menos de 5 kms del centru de Gijón/Xixón. El so percorríu, que determina’l cursu del ríu Peñafrancia, nun presenta munches dificultaes, polo que ye ideal pa los y les xugadores que quieran iniciase nel xuegu.
Van poder abonase a los campos municipales de golf toles persones que tean en posesión de Llicencia Federativa; consiguiendo, al traviés d’esti Serviciu, ventayes económiques importantes.
Esisten delles formes de reservar les salíes a los Campos Municipales: de forma presencial, vía telefónica y al traviés d’internet (esta última ye válida namás pal Campu Municipal La Llorea).
Rellaciónate col Campu de Golf de La Llorea, y solicita al traviés del Área Privada les tos reserves y tee times. Puen formalizase pa un máximu de 4 xugadores y con hasta una selmana d’antelación.
Les competiciones son una parte fundamental de la vida deportiva del Golf Municipal de Gijón/Xixón. Dambos campos de golf ellaboren un Calendariu de Competiciones que se celebren demientres bona parte l’añu y nuna variedá grande de modalidaes, mesmo individuales que por pareyes. Polo xeneral la temporada de competiciones abarca los meses d’abril a ochobre. Pal desarrollu de l’actividá competitiva son fundamentales los patrocinadores, dalgunos d’ellos lleven más de 25 años collaborando col Golf Municipal de Gijón/Xixón.
Los cursos de la Escuela de Golf tán abiertos a tolos neños y neñes interesaes, mayores de 6 años. La enseñanza ta dividida per niveles; comenzando pol d’iniciación. En pasando esta fase inicial, los cursos divídense por edaes y niveles, pasando primero al cursu de Teunificación y a lo último al de Competición. Les clases desarróllense en base al calendariu escolar, nos fines de selmana n’iviernu y per selmana demientres les vacaciones de branu.
En paralelo a l’actividá deportiva que se dearrolla en dambes instalaciones, el Patronatu Deportivu Municipal entama otres actividaes encaminaes a fomentar l’actividá deportiva, al traviés de la práutica del golf. Pa ello ye fundamental la formación, que se fai al traviés de dos Programes que promueve’l PDM: el Plan Escolar de Golf y los cursos Vacaciones Deportives.
Plan Escolar de Golf
Golf nos colexos ye una actividá d’introducción al xuegu del golf que se lleva alantre nos centros educativos collaboradores y que pon en marcha’l Patronatu Deportivu Municipal en collaboración cola Federación de Golf del Principáu d’Asturies. L’actividá desarróllase nos propios centros y acaba con una toma de contautu direutu col xuegu, nel C.M.G La Llorea.
Vacaciones Deportivas
Les Vacaciones Deportives de golf vienen celebrándose dende va más de 30 años. Son cursos de golf que s’imparten demientres los meses de xunetu y agostu mesmo nel Campu Municipal de Golf La Llorea que n’El Tragamón. Foron cientos de xugadores abonaos al Golf Municipal los que se formaren y aficionaren al xuegu nestos cursos que se celebren en dambos campos municipales de golf.
Servicio dirigido a jugadores/as que deseen mejorar un aspecto concreto de su técnica y de su juego. Miura Style SL es la adjudicataria con carácter exclusivo del servicio de enseñanza de golf tanto en los Campos Municipales de Golf La Llorea y Tragamón.
