SOISEX ye un programa d’asesoramientu personalizáu y gratuitu onde vamos poder ayudate con cualesquier xestión relacionada cola to afeutividá y sexualidá: anticonceición y salú sexual, relaciones de pareya, identidá y orientación, xestión de conflictos, comunicación afeutiva al traviés de redes sociales, etc.
Amás d’ofrecer asesoramientu, dende SOISEX fáense munches actividaes de formación p’alumnáu d’ESO y Bachilleratu, asociaciones xuveniles y madres, padres y educadores, y edítense delles publicaciones sobre sexualidá.
El Serviciu d’Orientación y Información Sexual pa Xóvenes (SOISEX) ofrez asesoramientu personalizáu y gratuitu sobre cualesquier asuntu que tenga que ver cola sexualidá, afeutividá, deséu… Atiéndenlu cuatro profesionales con formación especializada en sexoloxía y muncha esperiencia nel trabayu con xente mozo. En nengún casu s’inclúi tratamientu especializáu nin terapia. Si fora necesario derivaríente a los distintos servicios específicos qu’esisten, según les tos necesidaes.
SOISEX atiéndete los martes y los xueves del branu n’horariu de mañanes. Calcando en "Solicitar cita" vas poder ver les cites disponibles pa los próximos díes. Nel apartáu “Información adicional” de la cita vas poder añadir, si quies, una descripción curtia del motivu de la to consulta, pa que les responsables del serviciu puean date una atención meyor. La información que facilites ye confidencial dafechu. Si tienes dalguna dulda pues ponete en contautu cola Oficina de Mocedá de Gijón/Xixón pa que podamos ayudate.
SOISEX ofrezte a lo llargo l’añu dellos talleres pa centros educativos. Nesti cursu imparten talleres sobre “Amor y relaciones de buen trato”, “Analizando el sexismo en los medios de comunicación”, “Gestión parental en el uso de les NNTT”, “Influencia de las TIC en las relaciones entre jóvenes”, “Gestionando lo que comparto en la red”, “Conociendo nuestro cuerpo: el reto de la pubertad”, “Hablamos de diversidad sexual” y “Anticoncepción, prevención y salud sexual”.
Orientación y información sexual SOISEX
Primer material divulgativu del Serviciu d’Orientación y Información Sexual pa la Mocedá de gijón/Xixón (SOISEX) nel que se fala sobre sexu, orientación, identidá, sexualidá, erótica, sexismu… Vas atopar tamién un direutoriu con entidaes, asociaciones y coleutivos que desarrollen actividaes rellacionaes cola sexualidá.
Sexualidá, convivencia y redes sociales
Nesti material divulgativu del Serviciu d’Orientación y Información Sexual pa la Mocedá (SOISEX), fálase de claves pa rellacionate online con bon tratu, erótica online, situaciones o rellaciones d’abusu/violencia que se pueden dar online y claves pa preveniles y superales.
¿Menstruación? ¿Periodu? ¿Regla?
Folletu del Serviciu d’Orientación y Información Sexual pa la Mocedá (SOISEX), empobináu a tolos públicos, pero de mou especial a la mocedá, con información cenciella y direuta. Conteníos: qué ye la regla, cuáles son les fases del ciclu menstrual y cómo funciona’l cuerpu, conviviendo cola menstruación y mitos y realidaes.
Esti folletu de SOISEX facilita información sobre los distintos métodos anticonceutivos qu’esisten: preservativu masculín, preservativu femenín, anticonceutivos hormonales, píldora anticonceutiva, parche anticonceutivu, aniellu anticonceutivu, DIU, implante anticonceutivu, inyeición anticonceutiva y otros.
Nuevos modelos de comunicación en pareyes xóvenes
Esta ye una publicación conxunta del Departamentu de la Mocedá del Conceyu de Gijón/Xixón y del Conseyu de la Mocedá del Principáu d’Asturies qu’analiza l’usu de les TIC pa la comunicación ente xóvenes.
Esta publicación compleméntase con una páxina web, parejasjovenes.com, na que s’inclúin referencies y enllaces pal trabayu con xóvenes y que va tar en constante revisión y actualización.
