Garantía Xuvenil ye una iniciativa de la Unión Europea pa combatir los índices altos de desemplegu xuvenil. Al traviés de Garantía Xuvenil preténdese que los y les xóvenes d’Europa menores de 30 años qu’acaben la so educación formal o queden nel paro, nun pasen más de cuatro meses ensin recibir una ufierta bona d’emplegu, educación continua, formación d’aprendiz o periodu de práutiques.
Amás de facilitate la inscripción en Garantía Xuvenil tamién podemos date información útil sobre búsqueda d’emplegu, y tenemos delles publicaciones rellacionaes col accesu al mercáu de trabayu que puen ser de muncha ayuda.
Dende la Oficina de la Mocedá de Gijón/Xixón ofrecémoste la posibilidá d’inscribite nel Sistema Nacional de Garantía Xuvenil, mesmo que de recibir un asesoramientu básicu no tocante a emplegu.
Anque si quies puedes inscribite en Garantía Xuvenil dende casa –con DNI electrónicu o certificáu dixital – o na to Oficina d’Emplegu, ofrecémoste la posibilidá de facelo d’un mou cenciellu y rápidu na nuestra Asesoría d’Emplegu y Garantía Xuvenil.
Amás d’inscribite en Garantía Xuvenil, orientámoste hacia otros servicios d’emplegu más especializaos, como l’Axencia Local de Promoción Económica y Emplegu del Conceyu de Gijón/Xixón o les Oficines del Serviciu Públicu d’Emplegu del Principáu d’Asturies.
Esti serviciu d’asesoría empobínase sobre manera a persones d’hasta 35 años, mesmo qu’a madres, padres y educadores. Eso sí, nun escaezas que namás se puen inscribir en Garantía Xuvenil perosnes menores de 30 años que terminaren los sos estudios y tean nuna situación de desemplegu.
La nuestra Asesoría d'Emplegu y Garantía Xuvenil atiéndete de llunes a vienres n'horariu de mañana. Calcando en "Solicitar cita" vas poder ver les cites disponibles pa los díes siguientes. Si tienes dalguna dulda pues ponete en contautu cola Oficina de Mocedá de Gijón/Xixón pa que podamos ayudate.
El Sistema Nacional de Garantía Xuvenil
Nesti dosier vamos intentar date una visión rápida sobre qué ye la Garantía Xuvenil, qué posibilidaes t’ofrez y cómo pues inscribite. Vas ver que si yes menor de 30 años y nun tas trabayando nin estudiando, esti programa pue ofrecete alternatives interesantes de formación y esperiencia llaboral.
Nesti dosier tratamos temes como la busca d’emplegu al traviés d’internet, los y les axentes qu’intermedien nel accesu al emplegu –axencies de colocación, ETT’s -, programes novedosos d’emplegu y formación, l’emplegu temporal nel Conceyu o posibilidaes de trabayos estacionales y/o temporales na nuestra ciudá.
Na Oficina de la Mocedá recibimos davezu consultes de persones que tán pensando n’acceder a un emplegu públicu pero nun saben mui bien per ónde empezar, por eso creemos qu’esti dosier sobre oposiciones pue ser una fonte rica d’información pa quien tea nesta situación.
Son munches les persones qu’énte la falta d’oportunidaes llaborales n’España piensen en marchar al estranxeru a buscar un futuru. Por esi motivu preparamos un material que puea valir d’ayuda a la mocedá que tenga interés n’esplorar les posibilidaes llaborales n’otros países.
Recursos d'orientación llaboral en Gijón/Xixón
Nesta guía vamos enfotanos nos recursos qu’esisten na nuestra ciudá pa la orientación llaboral, n’especial a aquellos que se desarrollen nel Conceyu de Gijón/Xixón.
