Meyora de la emplegabilidá de coleutivos con dificultaes especiales d'inserción llaboral, pente medies del desarrollu de la so cualificación profesional, al traviés d'una esperiencia llaboral adecuada al so perfil, y cola formación complementaria necesaria. Inclúi tamién un plan d'orientación llaboral qu'acompaña a la persona trabayadora demientres tol procesu.
Anguaño tán en vigor tres planes d'empléu, el Plan d'empléu 2020-2021 y el Plan d'empléu 2021-2022, que se dividen en contratos en práutiques y contratos por obra y serviciu, y Primer Esperiencia Profesional 2020-2021.
Plazo de inscripción abierto hasta el 22 de noviembre de 2024, inclusive.
134 plazas.
Modalidades de contrato:
- Contrato para la mejora de la ocupabilidad y la inserción laboral - 103 plazas
- Contrato formativo para adquirir una práctica profesional adecuada - 31 plazas
Encontrarás toda la información sobre el proceso selectivo: Bases Reguladoras y Formulario de Inscripción en el siguiente enlace:
Los planes d'empléu son un instrumentu de les polítiques actives d'empléu y tán pensaos p'aportar esperiencia llaboral a los coleutivos que tán en situación de desempléu y que tienen mayores dificultaes d'accesu al mercáu de trabayu.
Apurre esperiencia llaboral adecuada a les persones que tán acabantes de rematar una formación o a les que, anque tienen un oficiu, lleven munchu tiempu en situación de desempléu. L'adquisición de la práutica profesional o bien la reactivación de la vida llaboral, impliquen una meyora nes posibilidaes d'accesu al empléu nel futuru.
Al traviés de contratación direuta de les persones beneficiaries pa trabayar demientres un añu aprox. nos distintos Servicios y Departamentos municipales y los sos Patronatos y Fundaciones. Trabayamos, un añu tres d'otru, con más de 40 perfiles profesionales distintos repartíos en casi 50 destinos diferentes.
Utilizamos davezu dos modalidaes de contratación, los contratos en práutiques pa les persones que terminaren dalgún tipu de formación oficial (dende certificaos profesionales a títulos universitarios) y los contratos d'obra y serviciu pa les y los profesionales que tienen esperiencia pero lleven munchu tiempu en situación de desempléu.
En principiu, pueden acceder a la convocatoria d'un Plan d'empléu toles persones que tean en situación de desempléu; sicasí, en función de los puestos y ocupaciones ufiertaes cada añu, van esixise unos requisitos de formación y/o esperiencia o otros.
Articúlense al traviés de convocatories públiques añales con unes bases que regulen tanto les ocupaciones demandaes y los sos requisitos d'accesu, como les variables aplicaes a los criterios de seleición. La edá, les condiciones socioeconómiques o la pertenencia a coleutivos desfavorecíos son criterios qu'avecen considerase nesti sentíu.
Plan d'Empléu 2021-2022
Nestos programes ofrécense contratos baxo la modalidá de práutiques; poro, esíxese una titulación adecuada al puestu que s'ufierta, con un añu de duración. Tamién s'ofrecen contratos por obra o serviciu determináu. Tán destinaos, de forma preferente anque non esclusiva, al coleutivu de persones desemplegaes mayores de 45 años. Tanto los puestos que s'ufierten como los criterios d'accesu refléxense nes bases de les convocatories correspondientes.
El Plan d'Empléu 2021-2022. Convocatoria 2021 del Serviciu Públicu d'Empléu del Programa de Planes Locales d'Empléu, ta cofinanciáu pol Serviciu Públicu d'Empléu del Principáu d'Asturies, pol Serviciu Públicu d'Empléu Estatal y pol Fondu Social Européu (80%) pal periodu 2014-2020 nel marcu del Programa Operativu del Fondu Social Européu del Principáu d'Asturies 2014-2020.
Primera Esperiencia Profesional 2021-2022
Nesti programa ofrécense contratos baxo la modalidá de práutiques; poro, esíxese una titulación adecuada al puestu que s'ufierta, con un añu de duración. Ta destináu a persones menores de 30 años. Tanto los puestos que s'ufierten como los criterios d'accesu refléxense nes bases de la convocatoria correspondiente.
El Plan d'Empléu Primera Esperiencia Profesional 2021-2022, correspuende cola convocatoria 2021 del Serviciu Públicu d'empléu pa contratos en práutiques. Esti programa ta cofinanciáu pol Serviciu Públicu d'empléu del Principáu d'Asturies, pol Serviciu Públicu d'empléu Estatal y pol Fondu Social Européu. Amás, el Plan inclúyese nel Programa Operativu d'empléu Mozu 2014-2020.
