Actividá empobinada a neños y neñes de 2u de Primaria hasta 2u de Secundaria. Los cursos son mensuales con sesiones de 45 minutos ún o dos díes a la selmana, con una duración d’ochobre hasta xunu. La enseñanza estructúrase en niveles, adautaos a la edá de les y los participantes y conocimientos.
La solicitú de participación pue realizase al traviés del trámite d'inscripción a actividaes. La información sobre fecha y sitiu de realización, horariu, númberu de places y preciu va poder visualizase nel propiu trámite d'inscripción de cada actividá mientres dure'l periodu de matrícula.
Nivel 1:
OXETIVU: ALGAMAR UNA ADAUTACIÓN AL MEDIU ACUÁTICU
Vas tener un nivel 1 y por ello vas poder acceder al siguiente nivel si yes quien a desplazate 25 metros a crol (1 llargu) y a espalda coordinando de forma correuta’l batíu de piernes, la coordinación de los tos brazos y la respiración.
Nivel 2:
OXETIVU: NADAR CON SEGURANZA NEL MEDIU ACUÁTICU
Vas tener un nivel 2 y por ello vas poder acceder al siguiente nivel si yes quien a saltar al agua con seguranza, si yes quien a bucear y pañar un oxetu del fondu. Nades 50 metros (dos llargos), coordinando de forma correuta crol y espalda.
Nivel 3:
OXETIVU: TENER UN BON DOMINIU DEL MEDIU ACUÁTICU
Vas tener un nivel 3 y por ello vas poder acceder al siguiente nivel si yes quien a saltar de cabeza y bucees 10 metros y pañes un oxetu del fondu. Nades 100 metros manteniendo una bona téunica colos volteos correutos a crol, espalda y braza.
Nivel 4:
OXETIVU: PERFEICIONAMIENTU DE LES ESPECIALIDAES ACUÁTIQUES
Vas tener un nivel 4 si yes capaz de nadar 200 metros siguíos cambiando d’estilu (25 mariposa-75 espalda-25 braza- 75 crol). Conoces y yá t’iniciasti na práutica del restu d’especialidaes acuátiques.