La situación socioeconómica actual ta favoreciendo determinaos cambios que suponen l’apaición de desequilibrios sociales nuevos. Más persones y con perfiles distintos a los habituales hasta agora tán llegando a situaciones de vulnerabilidá y esclusión.
Gijón/Xixón cuenta dende va años con un conxuntu importante de centros, servicios y prestaciones dirixíos a dar rempuesta a les necesidaes de les persones especialmente vulnerables o en riesgu d’esclusión social (la tendencia de los últimos ye crecer y especializase). Tien como finalidá garantizar un mínimu de calidá de vida de los componentes de coleutivos especialmente desfavorecíos, promoviendo midíes de discriminación positiva y midíes de política social, atendiendo y previniendo les sos necesidaes y problemes sociales.
Ayudes a persones y families en situación de necesidá económica, proporcionándo-yos prestaciones que-yos permitan facer frente a los gastos ordinarios o estraordinarios pa situaciones de necesidaes de subsistencia, como alimentación, agospiu, etc.: ayudes a families y ayudes d’emerxencia social. Consulta toles ayudes disponibles.
Esta Rede coordina y articula los servicios d’atención a persones ensin techu nel conceyu de Gijón/Xixón. La so finalidá ye la d’ameyorar la coordinación ente les organizaciones que desarrollen el so llabor nel campu de la inclusión social, p’ameyorar los recursos y facilitar una práutica común consensuada y homologada. Esta reestructuración de los centros y servicios que formen parte de la rede permite dar una meyor atención a les necesidaes detectaes.
El Conseyu de Ministros aprobó l’Ingresu Mínimu Vital, una última rede de proteición pa completar el nuestru Estáu del Bienestar y correxir les faltes redistributives de les nuestres prestaciones. Ye un conxuntu de midíes articulaes al rodiu d’una prestación nueva de la Seguridá Social que va garantizar unos ingresos mínimos mensuales a families en situación d’especial vulnerabilidá. L’Ingresu Mínimu Vital quier correxir los problemes estructurales d’accesu a oportunidaes de formación y emplegu, lo qu’ocasiona una desigualdá grande.
