La llectura y la escritura son dos cares de la mesma moneda. Nada meyor pal perfeicionamientu de la llectura que’l propiu actu de lleer, nin meyor forma de deprender a escribir qu’escribiendo. Pero ye tamién ye verdá que siempre se va ser meyor llector/a quien conoza más a fondo los códigos y téuniques de los testos lliterarios, quien s’introduxera dalguna vez na cocina mesma de la escritura.
Poro, proponémoste un espaciu y un tiempu onde ponete a escribir, onde desbloquiar a esi escritor/a que lleves dientro y superar el mieu a la fueya en blanco. Too ello nun ambiente estimulante compartiendo esperiencies con otres persones coles tos mesmes inquietúes y dirixíu por persones espertes na materia. Amás vas poder publicar les tos propies histories y compartiles en formatu dixital.
El taller de creación lliteraria diríxese a persones adultes con inquietúes lliteraries interesaes n’empezar o ameyorar les sos téuniques narratives.
Pa participar enos talleres de creación lliteraria ye necesario inscribise al traviés del trámite d’inscripción n’actividaes, disponible nesta web o na aplicación iGijón.
La inscripción ye gratuita y namás fai falta tener tarxeta ciudadana y númberu PIN d’ella.
D’haber más solicitúes que places disponibles, estes van axudicase per orden estrictu de receición y va establecese una llista de reserves pa los non almitíos.
![pluma escribiendo sobre libreta](/sites/default/files/styles/imagen_4_3/public/2020-05/biblioteca%20creacion%20literaria.jpg?h=2a3dd4e7&itok=4Ds2YiRK)
La inscripción faise per un añu.
La biblioteca facilita los llibros y los materiales necesarios pal desarrollu de les sesiones.
![Red de bibliotecas](/sites/default/files/styles/imagen_4_3/public/2019-04/Red%20de%20bibliotecas.jpg?h=951768d2&itok=mOsNktyH)
![clublecturadultosjovenes1](/sites/default/files/styles/imagen_4_3/public/2021-02/Club%20de%20lectura%20Adultos%20J%C3%B3venes%201.jpg?h=70d605a8&itok=RB4WQwMn)
![bebe leyendo un cuento](/sites/default/files/styles/imagen_4_3/public/2020-05/bibliotecas%20bebecuentos.jpg?itok=p6vxri1h)