La Fundación Municipal de Servicios Sociales desarrolla, dende va dellos años, actuaciones que favorecen la promoción de la vieyera activa, col programa “Aules pa Mayores” de Gijón/Xixón, col envís de fomentar la participación social y la formación permanente de les persones mayores, al traviés de la realización de talleres, entendiendo qu’esta participación ye una de les claves esenciales pa tener una vieyera activa y saludable y que l’aprendizax a lo llargo de tola vida ameyora la calidá de la mesma, aumentando l’autonomía y l’autoestima de cada persona.
Ente los sos oxetivos citamos:
- Fomentar la participación social de la población mayor
- Facilitar un aprendizax continuu nesta etapa de la vida
- Desarrollar hábitos de vida saludables
- Crear espacios pa la diversión y la ocupación pente medies de cursos y talleres
Pa solicitar información sobre los cursos y talleres, les persones mayores tienen que contautar col Centru de Mayores que tea más cerca del so domiciliu pa conocer la ufierta de cursos que se desarrollen nél, yá que cada Centru de Mayores seleiciona d’esti llistáu los cursos y talleres qué más-y interesen.
