Los programes de Captura, Esterilización y Suelta (CES) de los gatos que viven na cai impliquen la captura de los felinos ensin dolor (con caxes trampa), llevalos al/a la veterinariu/a pa esterilizar y vacunar, marca-yos les oreyes con una muezquina (ye la marca pa reconocer a los gatos yá esterilizaos) y que vuelvan a la so colonia d’orixe.
El plan CES sofítase en tres pilares:
Albergue
L’albergue collabora como parte activa nel Plan CES pa les esterilizaciones de gatos de colonia. P’acceder a esti serviciu hai que lo tramitar de forma direuta col albergue y ye condición indispensable que la colonia tea inscrita nel rexistru de colonies felines del Conceyu de Xixón.
Subvenciones y asociaciones
El Conceyu de Xixón publica tolos años la convocatoria de subvenciones p’Asociaciones y otres entidades ensin ánimu d’arriquecimientu y persones físiques cuidadores de colonies que desarrollen programes d’interés en materia d’atención a animales abandonaos.
Conveniu con colexu de veterinarios
El Conceyu de Gijon/Xixón tien un conveniu de collaboración en materia veterinaria col Colexu de Veterinarios/es d’Asturies que da continuidá a la collaboración ente dambes entidaes y reactiva la organización per parte del Colexu de la campaña de captura, esterilización y suelta de les colonies de gatos de la cai nel conceyu.
Con esti conveniu fáense les esterilizaciones de gatos de colonia nes clíniques veterinaries del conceyu que participen nesti proyeutu. Son requisitos tar inscritu/a como cuidador/a d’esa colonia y identificase: el tramite va facese col Colexu de Veterinarios/es que van indicar a qué clínica tenemos que llevar al animal pa la esterilización.