L’actividá entama con un viaxe hacia atrás nel tiempu y l’espaciu: treslladámonos al sieglu VII d.C. a l’antigua ciudá d’Alexandría, n’Exiptu. L’alumnáu participante son agora sabies y sabios que viven y trabayen na magnífica biblioteca d’esa ciudá rescatando del escaezu acontecimientos y datos fundamentales de la historia pa tresmitilos a les xeneraciones futures.
Son alexandrines/os pero van investigar en grupos atendiendo a los sos llugares d’orixe, asina van formase cuatro equipos de trabayu: exipcies/os, griegues/os, árabes y romanes/os. Un/a sabiu/a saharaui va conducir el trabayu de caún d’ellos, que va facese a partir d’una escoyeta de documentos reuníos nun escritoriu virtual, y pa ello tamién van tener que poner en práutica les téuniques de busca n’Internet propuestes al principiu de l’actividá p’alcontrar y valorar d’un mou correctu la información obtenida.
La Biblioteca d’Alexandría ye una actividá de formación nel usu de la biblioteca dirixida a grupos d’escolares de 5u cursu d’Educación Primaria de los centros educativos de Xixón.
El profesoráu puede contautar cola biblioteca más cercana al so centru educativu pa facer la solicitú al traviés d’esti trámite. Va facese una solicitú por cada actividá demandada y clase. El personal bibliotecariu va informar sobre qué actividaes ufierta cada biblioteca y va asignar les places n’estudiando la demanda.
