Na biblioteca tán teniendo llugar socesos inesplicables que namás pueden debese a una maldición. Sospechamos que too ello ye consecuencia de lo qu’asocedió va munchu tiempu cuando l’Archiduque del Manduque, aristócrata soberbiu y estiráu, poseedor d’una gran biblioteca privada, descubrió cuando taba a piques de morrer la intención que teníen los sobrinos de donar la coleición magnífica a la biblioteca pública. Mui enfadáu con esa decisión, que contravenía d’un mou direutu les sos intenciones de que nunca naide más qu’él pudiera facer usu de la mesma, xuró facer tolo posible pa impedilo, convirtiéndose si ello yera preciso na pantasma de la biblioteca. Y por increíble que paeza, eso ye lo que creemos que pasó.
Demientres esta actividá convídase a les y los escolares a dir desfaciendo los enguedeyos que provoca la pantasma tolos díes na biblioteca pa evitar que les persones usuaries lleven los llibros n’empréstamu y, n’iguándolos, propónse-yos una investigación pequeña pa descubrir les palabras que falten pa completar el conxuru que va llibranos d’elli para siempre... ¿O igual non?
La maldición de la biblioteca ye una actividá de formación nel usu de la biblioteca dirixida a grupos d’escolares de 4u cursu d’Educación Primaria de los centros educativos de Gijón/Xixón.
El profesoráu puede contautar cola biblioteca más cercana al so centru educativu pa facer la solicitú al traviés d’esti trámite. Va facese una solicitú por cada actividá demandada y clase. El personal bibliotecariu va informar sobre qué actividaes ufierta cada biblioteca y va asignar les places n’estudiando la demanda.
