Dedicamos munchos recursos a la formación, mesmo pa xóvenes que pa profesionales. Al traviés de dellos programes ofrécense recursos de tou tipu a estudiantes de dellos niveles, xóvenes, asociaciones xuveniles, madres y padres y profesionales de la educación, el tiempu llibre, l’animación sociocultural, etc. Dende 2017 vien desarrollándose’l programa añal de formación “¡Lo que me faltaba!”. Recursos y ferramientes pal trabayu con adolescentes y xóvenes, enmarcáu nesa estratexa de formación continua.
Esti programa ta estructuráu nuna serie de talleres monográficos de calter mui práuticu, pensaos pa complementar la formación de monitores de tiempu llibre, educadores y otros perfiles profesionales n’aspeutos concretos de la intervención con adolescentes y xóvenes.
¿Pa quién?
Esti programa ta pensáu sobre too pa xóvenes d’hasta 35 años y profesionales de dellos perfiles que trabayen o tengan pensao trabayar con adolescentes y/o xóvenes. Ofrécense como norma xeneral 15 places por taller, de les qu’un 20% resérvense pa mayores de 36 años (dependiendo del taller pue cambiar el númberu de places y la so distribución).
Inscripción gratuita
La inscripción va tar abierta dende 20 díes enantes del entamu del cursu, a partir de les 9:00 h. La inscripción ye gratuita porque queremos que cualesquier persona xoven pueda acceder a la formación. Pero eso nun supón qu’organizar estos talleres nun tenga un costu. Por eso, si t’apuntes, queremos pedite’l compromisu d’asistir a la totalidá del cursu.
Cada añu presentamos un programa con delles propuestes de talleres, estructuraes en tres árees temátiques grandes. Teunoloxíes de la información y la comunicación, Ferramientes de trabayu nel tiempu llibre y l'ASC, y disciplines artístiques y trabayu con xóvenes.
Mientres l'añu establécense diferentes plazos d'inscripción d'acuerdu a los cursos programaos. La inscripción faise al traviés de la plataforma municipal d'actividaes, onde vas poder apuntate en cuantes abra la convocatoria, que suel ser 20 díes enantes del entamu del cursu a partir de les 9:00h
