Actividaes infantiles d’animación a la llectura que trabayen distintes árees de conocimientu como la ciencia o la filosofía.
La biblioteca conviértese nun “llaboratoriu llocu” col oxetivu de difundir la llectura de los llibros informativos de ciencies. Esti taller ye un recursu pa espertar la gana de saber de les y los más pequeños poles ciencies y el conocimientu. Les sesiones quieren fomentar el descubrimientu de los aspeutos científicos venceyaos coles humanidaes y el pensamientu al traviés de dalgunos cuentos y llibros temáticos seleicionaos con munchu procuru. Dependiendo de los conteníos de cada sesión, estes van poder completase con esperimentos científico-práuticos pequeños, debates o teatralización de situaciones pa interiorizar idees o conceutos.
Actividá p’aprender a pensar y a reflexonar sobre la realidá, fomentando’l pensamientu críticu y el diálogu. En cada sesión y partiendo de la llectura en cualesquiera de los sos soportes: imáxenes, álbumes ilustraos, narraciones de tou tipu y inclusive audiovisuales van plantear preguntes buscando’l so paralelismu cola realidá y situaciones de la vida cotidiana.
Estes actividaes tán dirixíes a neñes y neños de 7 a 11 años.
Actividá gratuita con places limitaes. Pa poder acudir a les sesiones de cuentacuentos hai que realizar inscripción previa al traviés del trámite d’inscripción n’actividaes. La inscripción va facese col númberu de la tarxeta ciudadana y el PIN.
