En munches ocasiones les families vense desbordaes pol usu o l’abusu que les sos fíes y fíos faen del teléfonu móvil, les tabletes o l’ordenador, y nun sabemos cómo regular, supervisalos o advertilos de los peligros que conlleven.
Súmase la llegada de l’adolescencia, una época de cambios nes rellaciones familiares, y amás que la mayoría de les families adquirieren l’usu de la teunoloxía siendo yá mayores, mentanto que les nuestres fíes y fíos son nativos teunolóxicos y manéxense muncho meyor nel mundu dixital que les persones adultes.
Nesta actividá vamos falar d’usos positivos y usos conflictivos de les TIC, n’especial:
* Redes sociales y sexualidá: Sexting, Grooming y Ciberbullying.
* Videoxuegos.
* Pornografía.
Vamos tratar de facer procesos reflexivos, falar de responsabilidaes parentales y apurrir a les families estratexes práutiques pa trabayar y negociar en familia.
