Los oficios del deporte y del tiempu llibre… “Un futuru en movimientu”

Con ‘Los Oficios del Deporte y el Tiempu Llibre’ vamos tratar d’averar a les y los estudiantes  a les distintes posibilidaes que nos ofrecen les enseñances deportives n’Asturies y n’España.

Al llau de distintes persones que desarrollaron la so carrera profesional deportiva a nivel nacional y inclusive internacional y con una formación específica nel ámbitu deportivu, les y los estudiantes van descubrir que’l deporte puede ser muncho más qu’una profesión.
Pero, amás, van tener la oportunidá de conocer, xunto a la Direutora del CIFP del Deporte n’Asturies, tola ufierta formativa qu’ofrez el centru, y les distintes pasareles y titulaciones que van permiti-yos acceder a distintos niveles educativos dientro de la formación reglada.

Pero… ¿y el tiempu llibre?... Esa profesión desconocida que van poder descubrir al traviés de profesionales que trabayen nel campu de l’Animación Sociocultural y de les actividaes de tiempu llibre col envís de facer que la nuestra comunidá meyore cada día un poquitín.
L’alcuentru con profesionales de "Los oficios del deporte y del tiempu llibre" suel facese la última selmana de xineru.