Esta actividá pertenez al programa Lliga de Debate Escolar Municipal y va tener llugar cada cursu escolar, ente los meses de xineru a mayu. Oxetivos:
- Desarrollar habilidaes de comunicación y debate
- Crear llazos ente institutos, docentes y alumnáu al traviés de la participación nun proyeutu común
- Fomentar el respetu, la tolerancia y el civismu
L’alumnáu participante na Lliga de Debate, n’acabando l’actividá de formación en comunicación, oratoria y debate, va poder formar equipos y inscribise pa participar nos debates. Nun ye obligatorio que tol alumnáu participe nos debates, namás han participar les moces y mozos que tengan interés y quieran formar un equipu.
Los equipos van tar compuestos por un mínimu de 3 y un máximu de 6 persones, y dientro d’un mesmu aula puede haber dellos equipos. Los debates van tar organizaos en 3 fases:
- Fase interna: Los equipos inscritos de cada centru van enfrentase ente ellos nuna primer fase eliminatoria, de la que va salir un equipu ganador que va participar nos debates con otros centros.
- Fase de zona: Dependiendo del nu de centros participantes na Lliga de Debate, va poder facese una fase de debates por zona, pa escoyer a los 8 equipos que como máximu pueden llegar a la fase de debate final. Estos debates fadríense, bien nos propios centros educativos, o en dalgún equipamientu municipal que determine la organización (por exemplu, el salón d’actos de la Escuela de Comerciu).
- Fase final: Van llegar a la fase final un máximu de 8 equipos, que van enfrentase en dos debates:
- Semifinal: Los equipos participantes van enfrentase ente ellos, resultando 4 ganadores que van pasar a la final. La semifinal va cellebrase en dalgún equipamientu municipal que determine la organización (por exemplu, el salón d’actos de la Escuela de Comerciu).
- Final: Los 4 equipos que lleguen a la final enfréntense entre ellos pa determinar un equipu ganador, amás d’un/a meyor orador/a. La final va cellebrase en dalgún equipamientu municipal que determine la organización (por exemplu, el Teatru Jovellanos) y va permitise l’asistencia de públicu.
Los centros educativos participantes comprométense a:
- Facilitar la participación de los equipos nos debates
- Contar cola presencia y collaboración del profesoráu en tolos debates
- Respetar el reglamentu de la Lliga de Debate y les decisiones del xuráu
Establécense distintos premios simbólicos pa toles persones participantes nos debates, amás de premios especiales pa los equipos finalistes.
![logo de la liga de debate](/sites/default/files/styles/imagen_4_3/public/2020-06/Liga%20de%20debate%20-%20Principal.jpg?h=49236874&itok=Ttnvvohv)
La inscripción en Debates ente centros faenla los centros educativos que quieran participar col alumnáu de 1º de Bachilleratu y pertenez a la Lliga de Debate Escolar Municipal. Consulta na Lliga de Debate Escolar Municipal los detalles sobre la inscripción.