Con cada cursu escolar el Xardín Botánicu Atlánticu ofrez a profesoráu y escolares la oportunidá d’utilizar el Botánicu como recursu didácticu, un Botánicu distintu en cada estación del añu que permite al alumnáu ampliar los sos conocimientos sobre’l mundu vexetal y la so conservación al traviés de la observación, la manipuliación y esperimentación direuta coles plantes, el xuegu y l’averamientu al trabayu científicu, al mesmu tiempu que pón a la disposición del profesoráu una ferramienta didáutica con conteníos curriculares adaptaos a cada nivel educativu en materies relacionaes cola biodiversidá, la naturaleza y el mediu ambiente.
Si’l to alumnáu tovía nun conoz el Botánicu, o queréis esploralu con más fondura, escueye una visita guiada pa descubrir d’una forma prestosa los requexos más llamativos del Xardín.
Actividaes adaptaes a cursos y etapes educatives (dende 2u Ciclu d’Educación infantil hasta Bachilleratu), que combinen el percorríu per distintes zones del Xardín col desarrollu de xuegos o dinámiques onde se trabayen conteníos concretos del temariu.
-
Frecuencies: de martes a vienres, de 10 a 12 hores y de 12 a 14 hores. Pa horariu de tarde consultar disponibilidá.
-
Númberu máximu de participantes/grupu: 30 en total (alumnáu + docentes a cargu del grupu)
-
Imprescindible la presencia de, a lo menos, un/a profesor/a acompañante por grupu
-
Duración de les actividaes: 2 hores
-
N’acabando l’actividá los grupos pueden quedar nel Botánicu nel horariu d’apertura habitual. ¡Encamentámosvos visitar la nuestra zona de museos singular!
Mientres tol añu hai diverses Xornaes y eventos dedicaos al públicu escolar. Axenda d'eventos educativos.
Ferramientes de trabayu que faciliten l'estudiu de les plantes dientro y fuera del aula.
