Cola finalidá de collaborar nel accesu y solicitú del Ingresu Mínimu Vital a les persones del conceyu, el Conceyu de Gijón/Xixón habilitó una Oficina nel Centru Municipal Integráu del Coto.
Hasta’l día 14 d’agostu tan atropándose contentimientos pal treslláu de datos del Salariu Social al INSS, dende la propia oficina ta citándose de mou telefónicu a les y los titulares del Salariu Social Básicu. A partir del día 17 d’agostu va empezar l’apoyu pa la presentación de solicitúes del Ingresu Mínimu Vital, pa lo que puede solicitar cita al traviés del trámite de solicitú de cita previa. Enantes del día de la cita va recibir una llamada telefónica con orientación sobre la documentación qu’ha d’aportar.
El Gobiernu d’España aprobó’l Real Decretu Llei 20/2020 de 29 de mayu, pol que s’aprueba una prestación nueva non contributiva: l’Ingresu Mínimu Vital. Esta prestación ta pensada pa prevenir el riesgu de probitú y esclusión social de les persones cuando tán nuna situación de vulnerabilidá por nun tener recursos económicos bastantes pa cubrir les sos necesidaes básiques. La xestión del IMV va corresponder al Institutu Nacional de la Seguridá Social y puede solicitase dende’l 15 de xunu na sede electrónica del Institutu Nacional de la Seguridá Social o llamando al 900 20 22 22.
INFORMACIÓN RESUMIDA INFORMACIÓN ESQUEMÁTICA ENLlAz A LA SEGURIDá SOCIAL
N’Asturies esiste una renta mínima, el Salariu Social Básicu, la gran mayoría de les persones que cobren anguaño’l SSB podríen tener derechu al IMV, y en consecuencia, podríen ver ameyorada la so situación, yá que les cuantíes garantizaes pol IMV son superiores a les del SSB (amás el calter subsidiariu del SSB fai qu’estes persones tengan que solicitar l’IMV necesariamente).
Teniendo en cuenta la obligación de les persones que reciben el SSB de solicitar el IMV y cola finalidá d’evita-yos cargues burocrátiques, habilitóse una vía direuta pa que la comunidá autónoma comunique los sos datos al INSS direutamente pa que xestione los espedientes. Pa ello, ye necesario recabar el consentimientu de la persona titular de la UECI y de tolos componentes mayores de 18 años.
