Actividá destinada a centros educativos: alumnáu de 3er ciclu de Primaria, ESO, Ciclos Formativos, FP, Bachilleratu y E2O.
Percorríos guiaos andando o en bicicleta orientaos al conocimientu del mediu urbanu. Vamos falar de xeografía y historia; de territoriu, de cambiu, d’industria, de vivienda, de barreres, de puntos d’atracción y espacios pa convivir, de persones.
Vamos situar elementos de la historia de los distintos barrios de la ciudá amás de pieces d’un patrimoniu, en dalgunos casos reconocíu alministrativamente, que necesitamos conocer y defender.
Conocer la ciudá al traviés de percorríos axustaos, con calter xeneral, a la rede de carriles bici y víes de tráficu calmáu.
... de parque a parque pel sur de la ciudá
Entámase nel centru escolar y arródiase la ciudá pel sur ente El Cerilleru y La Guía, adaptando el llargor del percorríu a la edá y al allugamientu del centru educativu. Vamos circular per percorríos asitiaos ente’l parque d’El Cerilleru, La Calzada, Tremañes, Santa Bárbara, Roces, Contrueces, El Coto, Viesques y el parque d’Isabel La Católica. Vamos falar de cómo se va construyendo la ciudá con paraes en dellos puntos d’interés. Dalgunos, como nel parque de Los Pericones, van permitinos una perspeutiva amplia. Parcelaciones particulares; barriaes de la década de 1950; polígonos de los 60 al 80; barrios nuevos. Vamos falar d’historia y de xeografía. D’estructura urbana y segregación social.
L’actividá ofrez la posibilidá d’una perspeutiva interdisciplinar ente les materies de Xeografía y Historia y Educación Física.
Más información
La ruta, que tien como puntu de partida y final el centru escolar, ta prevista pa un mínimu de 3 hores; tanto la duración como’l percorríu precisu alcuérdense col profesoráu nuna reunión a principios del cursu. Amás, ofrécense monitores y materiales como recursos gratuitos. Va apurrise un chalecu reflectante a cada participante.
Requisitos
- La bicicleta y el cascu han ponelos les y los escolares.
- En casu de necesidá van valorase alternatives pa disponer del material necesariu.
- Persones con movilidá reducida: L'oxetivu ye que siempre pueda participar l'aula completa, que naide quede atrás. Pa ello'l PDM dispón de bicicletes adaptaes a persones con movilidá reducida.
- Pa solicitales, ha d'unviase un corréu al departamentu d'educación de la FMCEyUP educacion.fmc@gijon.es indicando nel asuntu BICICLETES ADAPTAES
- Cada grupu ha dir acompañáu de polo menos dos profesores del centru.
- N’axudicándose les actividaes, vamos mantener una reunión preparatoria con caún de los centros.
- Les feches puen vese alteraes en función de les previsiones meteorolóxiques (AEMET) o de la calidá del aire: AEMET MOCAGE y Rede de control de calidá del aire d'Asturies AsturAire
Recomendaciones importantes
- Cascu. Obligatoriu por llei pa les y los menores de 16 años.
- La bicicleta ha estar en condiciones de marcha: revisada de mecánica, frenos bien axustaos y ruedes hinchaes curioso.
- Somos un vehículu y vamos circular como talu: respetando les normes y les señales de tráficu.
- En carriles bici vamos circular d’ún/a en ún/a, per nuestru carril y pendientes del/de la ciclista que circule delantre; atención especial colos semáforos y pasos de peatones qu’hai que respetar.
- En carriles compartíos con vehículos motorizaos vamos circular de dos en dos y respetando les señales y instrucciones de los y les monitores acompañantes.
Percorríos guiaos andando orientaos al conocimientu del mediu urbanu. Vamos falar de xeografía y historia; de territoriu, de cambiu, d’industria, de vivienda, de barreres, de puntos d’atracción y espacios pa convivir, de persones.
Vamos situar elementos de la historia de los distintos barrios de la ciudá amás de pieces d’un patrimoniu, en dalgunos casos reconocíu alministrativamente, que necesitamos conocer y defender.
Ofrecemos 9 posibles percorríos distintos que van desarrollase en delles zones de la ciudá. L’itinerariu definitivu va alcordase con cada centru escolar.
Nos casos en que s’escueya l’itinerariu pel barriu correspondiente al centru escolar, el percorríu va entamar nel propiu centru. Nel restu de los casos va alcordase col profesoráu’l puntu d’iniciu, si fuera posible cerca d’una parada de tresporte públicu o un carril bici.
Más información
Los percorríos, que tienen como puntu de partida’l centru escolar o el llugar que s’alcuerde si’l percorríu se fai nun barriu distintu al allugamientu del centru solicitante, tán previstos pa durar 1,30 hores. Amás, ofrécense monitores y materiales como recursos gratuitos. L’actividá nun inclúi tresporte.
Itinerarios
L'Arena [Área 1]: Exemplu de itinerario por la zona.
El Coto [Área 2]: Exemplu de itinerario por la zona.
Centro y El Llano [Área 3] Exemplu de itinerario por la zona.
Pumarín y Nuevo Gijón [Área 4] Exemplu de itinerario por la zona.
Montevil y Pumarín [Área 5] Exemplu de itinerario por la zona.
Roces y Montevil [Área 6] Exemplu de itinerario por la zona.
Moreda y El Natahoyo [Área 7] Exemplu de itinerario por la zona.
La Calzada y El Cerilleru [Área 8] Exemplu de itinerario por la zona.
Cabueñes y Somió [Área 9] Exemplu de itinerario por la zona.
Inscripciones
Publicaciones
En bicicleta por Xixón Planu-guía pa circular en bici per Xixón
Enllaces d'interés con información adicional
Esbilla d'imáxenes itinerariu "Descubrir Xixón"
Pa saber más
Visita la páxina na que s'atopen toles publicaciones municipales, accedi a la fototeca y hemeroteca o entra na páxina de urbanismu y consulta la información y planos que recueye.
Has consultar toles publicaciones municipales según les distintes materies: historia, xeografía, cartografía...
Fototeca y hemeroteca municipal
Has acceder a la fototeca y hemeroteca municipal y consultar tolos fondos que conservó’l Conceyu.
Has visitar la páxina d’Urbanismu y consultar información como’l Plan Xeneral d’Ordenación Urbana de Gijón/Xixón.
ACTIVIDÁ ORGANIZADA POLA FMCE y UP
