Los desplazamientos que se faen andando son los mayoritarios y los que quier más la ciudadanía xixonesa. Les actuaciones realizaes en munchas de les cais, aveníes y paseos de la ciudá sitúen a la persona que camina nel centru de la nueva estratexa de movilidá. L’oxetivu ye asegurar percorríos peatonales continuos, seguros, funcionales y accesibles, pensaos pa la estancia y el tránsitu peatonal nun entornu urbanu más amable pa les persones.
MinutuXixón marca dellos itinerarios que se puen realizar a pie en Xixón, indicando la situación de los principales sitios de la ciudá: paseos, playes y parques; resaltando los beneficios que caminar de manera cotidiana tien pa la salú.
Programa gratuitu que promueve l’andar como vezu saludable. Esti proyeutu propón la realización d’una serie de rutes asequibles a tolos niveles físicos que pasen pel entornu urbanu y los espacios verdes del conceyu de Xixón.
La rede d’ocho recorríos pel conceyu de Gijón/Xixón, qu’entamó en 1990, tien más de cincuenta kilómetros de caminata al aire llibre nos que conviven la rica historia y tradiciones de la rexón y la so flora y fauna bien variada.
Iniciativa pa descubrir y difundir los valores del mediu rural al traviés de la propuesta d’una serie de percorríos p’averase a les parroquies pedaliando o andando. Xixón ye Rural reconoz el protagonismu del mediu rural na conservación de la cultura, el patrimoniu y el mediu natural y quier tresmitir la so importancia a la sociedá urbana col envís de respetalu y preservalu. Puedes acceder a les rutes al traviés de diferentes dispositivos, como puede ser el to teléfonu móvil.
![Móvil con la aplicación Xixón ye Rural](/sites/default/files/styles/imagen_4_3/public/2020-11/Xix%C3%B3n%20ye%20Rural%20%281%29_0.jpg?h=f9a0c76e&itok=kJjvFiAO)
![Personas paseando y montando en bicicleta frente al Ayuntamiento](/sites/default/files/styles/imagen_4_3/public/2021-02/Plan%20de%20Movilidad%20Sostenible.jpg?h=9de34d61&itok=sZMsCGA4)
![Movilidad](/sites/default/files/styles/imagen_4_3/public/2021-03/210316%20MOVILIDAD.jpg?h=91adb1ff&itok=1j1-zfR7)