¿La biblioteca paezte una selva na que puedes perdete a poco que t’adientres ente los sos estantes? ¿Alcontrar lo que busques resúltate toa una aventura?
Movese con remangu na biblioteca ye más cenciello de lo que crees. Con esta actividá de formación nel usu de la biblioteca vamos ser la to guía y vamos date les claves pa qu’aprendas a apañate de forma autónoma nel espaciu bibliotecariu.
L’actividá llévase alantre a partir d’un cuestionariu qu’obliga a facer un percorríu per toles secciones de la biblioteca y que puede adaptase a distintes edaes y temática, con dos oxetivos fundamentales: propiciar la autonomía de les persones usuaries na busca de la información, y dar a conocer los servicios qu’ofrez la Rede Municipal de Biblioteques de Xixón.
El Safari bibliotecariu ye una actividá de formación nel usu de la biblioteca dirixida a grupos d’escolares del últimu ciclu d’Educación Primaria y 1er cursu d’Educación Secundaria Obligatoria de los centros educativos de Gijón/Xixón, y tamién a grupos de persones adultes.
El profesoráu o representante del grupu de persones adultes interesaes en participar puede contautar cola biblioteca al traviés d’esti trámite. Va facese una solicitú por cada actividá demandada y clase o grupu. El personal bibliotecariu va informar sobre qué actividaes ufierta cada biblioteca y va asignar les places n’estudiando la demanda.
