Espectáculos de música y artes escéniques en direuto nos centros municipales de Gijón/Xixón amosando’l trabayu de formaciones y artistes locales en bien d’estilos a lo llargo de tol añu. Amás, buscando actuaciones más accesibles y cercanes, el programa Arte nel Barriu traslládase a la cai, integrándolu na vida diaria de los barrios.
Arte nel Barriu yá visibilizó’l trabayu d’un númberu grande de grupos y artistes locales, amás d’otros y otres de fuera d’Asturies.
Dende 2015 polos centros municipales Atenéu de La Calzada, El Llano y L’Arena, pasaron grupos asturianos de dellos estilos como Storytellers, Ffdrigo, Antón Menchaca, La niña caníbal, GPS, Smooth, Ribera, Mbolados, La noche más larga, Silvidos y Gemidos… xunto a dalgunos d’otras comunidaes como la tanguista Mariel Martínez o Pau de Nut.
Col programa Arte nel Barriu trátase, dende 2019, de programar un espectáculu mensual en caún d’estos tres centros municipales: L’Atenéu de la Calzada, El Llano y L’Arena.
Consulta los distintos eventos que formen el programa Arte nel Barriu. Una programación mui variada que quier amosar el trabayu de formaciones y artistes locales en diversidá d’estilos nos centros municipales de la ciudá.
