El Conceyu de Gijón/Xixón pon en marcha’l programa Biciescuela col envís de promover l’usu de la bicicleta na ciudá como mediu de tresporte cotidianu y de fomentar aptitúes ciclistes segures y responsables. La Biciescuela desarrolla la so actividá formativa al traviés d’una Biciescuela adulta y una Biciescuela escolar.
Cursos de formación vial ciclista. Trátase de cursos práuticos de 2 hores de duración y con 3 niveles de dificultá: aprendizaxe, habilidá y circulación. El programa tamién inclúi formación online: normativa ciclista y encamientos pa circular.
Programa educativu dirixíu a la comunidá escolar pa fomentar una movilidá sana y sostenible ente la población infantil y la mocedá del conceyu. Persones destinataries: alumnáu de 6u de Primaria y d’Educación Secundaria Obligatoria.
En branu organícense más actividaes rellacionaes cola bicileta. Actividaes pa fortalecer les habilidaes de los y les participantes sobre los pedales y actividaes dinámiques y entreteníes. Toa una aventura sobre dos ruedes.
Biciescuela Habilidaes ciclistes
Pa los menores que yá saben montar en bicicleta pero quieren aprender en 2 sesiones otres habilidaes pa circular con seguridá. El 2u día vamos circular per Xixón pa descubrir rutes nueves y prauticar lo aprendío.
Bici-reporter@s de Movilidá
Vamos facer un videu reportaxe sobre los diferentes espacios (carretera, carrilbici, ciclocarril, etc.) y los puntos conflictivos qu'esisten na ciudá.
Biciguíes Turísticos
Vamos convertinos en Biciguíes Turísticos. Vamos escoyer dellos bienes culturales o puntos d'interés y vamos percorrer la ciudá en bici pa facer un videu reportaxe.
