La promoción de la salú diríxese a la población nel so conxuntu pa capacitar a les persones y pa dotales de mayor control sobre la so salú y meyorala. La promoción de la salú ye un procesu que busca cambios individuales, grupales y tamién comunicatorios. Nesti sentíu, l’ámbitu municipal ye un espaciu idóneu pal desarrollu d’actuaciones, de proyeutos de trabayu nos que la participación de los distintos axentes sociales seya un elementu clave.
Oficina d’información y orientación, relativa a problemes sobre adicciones, xuegu, y otros comportamientos con pontencial d’abusu, orientáu sobre pautes d’actuación y qu’ofrez información y puesta en contautu colos recursos esistentes nel nuestru conceyu y Comunidá Autónoma.
Dalgunes de les actividaes que se desarrollen nel nuestru conceyu son les que siguen:
Centru de Día p’ayudar na recuperación personal y na inserción social y llaboral de persones privaes de llibertá y drogopendientes, pente medies de la estructuración de procesos socioeducativos adautaos a les carauterístiques de los y les participantes.
Asociación pal apoyu a drogodependientes. Proyeutu residencial de media estancia, que propón un marcu de referencia socioeducativa a persones que tán na fase d’incorporación social de dalgún de los programes terapéuticos del Plan sobre Drogues p’Asturies.
Plan municipal d’adicciones, pa la prevención de los problemes por consumu de drogues, xuegu y otros comportamientos con potencial d’abusu (2019-2024).
Ye un órganu colexáu de participación sectorial non vinculante, qu’asesora a la entidá local en toles cuestiones relatives a les sos competencies. Reglamentu.
