Programa destináu a promover la consolidación d’una cultura profesional comprometida cola igualdá nel texíu empresarial xixonés, creando un ambiente de corresponsabilidá y d’igualdá nos centros de trabayu. Desarróllase nel marcu de la collaboración con otres entidades del territoriu, les uniones comarcales de UXT, CCOO y la FADE.
Proyeutu principal y más conocíu de la Unidá de Xéneru de Gijón/Xixón. Al traviés del Directoriu d’empreses y entidaes de Gijón/Xixón comprometíes cola igualdá se quier visibilizar a les empreses y entidaes qu’adoptaron modelos de xestión respetuosos col principiu d’igualdá ente muyeres y homes.
El Directoriu (que se renueva o actualiza de forma añal) acompáñase d’un estudiu que recueye les bones práutiques y los avances fechos en materia d’igualdá n’empreses y entidaes que tienen centros de trabayu en Gijón/Xixón. Con ello se quieren promocionar modelos de xestión integradores y qu’ofrecen ventayes y beneficios pa les distintes organizaciones que les adopten. Dende 2011 ficiéronse 9 ediciones del Directoriu, l’últimu correspuende al añu 2019 y formen parte d’él 67 empreses y entidaes con centru de trabayu en Gijón/Xixón.
Esta publicación recueye información del procedimientu emplegáu por caúna de les 67 empreses y entidaes del Directoriu pa incorporar la igualdá na so xestión empresarial, amás de les midíes y /o planes d’igualdá puestos en marcha.
Esta publicación recueye información del procedimientu emplegáu por caúna de les 67 empreses y entidaes del Directoriu pa incorporar la igualdá na so xestión empresarial, amás de les midíes y /o planes d’igualdá puestos en marcha.