Visita les nuestres biblioteques.
Vamos esplicate cómo s’organicen los espacios y secciones, cómo alcontrar la información que necesites o ónde topar el llibru que busques.
L’accesu a les Biblioteques de la Rede de Biblioteques Municipales de Gijón/Xixón ye llibre, tol mundu puede venir demientres l’horariu d’apertura de caúna d’elles y facer usu de les instalaciones y los servicios que s’ofrecen a la ciudadanía. Nun importa la edá, nin la condición social.
Si ye la primer vez que t’averes a una de les nuestres biblioteques, has preguntar nel mostrador d’información sobre los servicios qu’ofrecemos que te puedan interesar.
Tamién podemos organizar visites guiaes a grupos de persones, a coleutivos concretos si necesiten una esplicación con más procuru y detalles, como por exemplu a colexos, asociaciones, etc.
Les persones interesaes en facer una visita guiada pela biblioteca tienen que concertala col personal de la biblioteca que quieran visitar.
