De 10:00 a 18:00 (de martes a domingu)
*Últimu accesu a les 17:15
De 15 de mayu a 15 de setiembre:
De 10:00 a 21:00
*Últimu accesu a les 20:15
Abierto los llunes de xunetu y agostu
Entraes a la venta na taquiya del Xardín Botánicu.
Gratuitu hasta 11 años (accesu individual).
De 12 a 26 años: 1,80 €.
Adultu: 2,90 €.
Mayor de 65 años: 1,80 €.
Xixón
El Xardín Botánicu Atlánticu ye un muséu vexetal inauguráu n'abril de 2003, concebíu pa estudiar, conservar y dar a conocer la flora y la vexetación del Atlánticu norte. Ye'l primer xardín botánicu del noroeste de la península ibérica y destaca pol so plantegamientu, modernu y non xeneralista, basáu en coleiciones especializaes de flora. Les sos llinies de trabayu céntrense na promoción d'actividaes y servicios d'ámbitu científicu, educativu, turística y cultural destinaos a la conservación y divulgación del patrimoniu vexetal y natural.
El Botánicu ye un proyeutu de 25 hectárees de les que 19 yá son visitables. Nel diseñu aprovecháronse los valores yá esistentes nel terrén, incorporándose a les coleiciones el Xardín históricu de La Isla y dos viesques naturales magnífiques que sobrevivieran a la espansión urbana de la ciudá de Xixón: l'Umeral del ríu Peñafrancia y La Carbayera d'El Tragamón, una viesca esceicional de carbayos centenarios. Les coleiciones complétense con esposiciones en dellos edificios, ente los que destaca una casería tradicional asturiana (la Quintana de Rionda) y el pabellón espositivu dedicáu a Carlos Linneo, amás d'un área infantil perguapa (El Bosque del Cuélebre) y un llaberintu de lloréu mui prestosu.
Planifica la to visita
El Xardín Botánicu ye un muséu vivu qu'ofrez una visión diferente de la naturaleza en cada estación. Pa descubrir a fondu'l Xardín encamentamos participar nes visites guiaes incluyíes nel preciu de la entrada. Pero si s'opta pola visita llibre, ye posible siguir dalgún de los percorríos recomendaos que, pola so diferente duración, permiten adautar la estancia al tiempu y necesidaes de cada visitante. Amás, la visita al Botánicu puede combinase cola d'otros equipamientos de la ciudá, como Llaboral Ciudá de la Cultura y l'Acuariu.
El Xardín Botánicu Atlánticu tien seis coleiciones principales. Les coleiciones de plantes vives organícense en cuatro estayes temátiques qu’usen l'Océanu Atlánticu como filu conductor: l’Entornu Cantábricu, la Factoria Vexetal, el Xardín de La Isla y l'Itinerariu Atlánticu. Amás, el Botánicu caltién y xestiona dos coleiciones de biodiversidá: el Bancu de Xermoplasma y L’Herbariu.
Entornu Cantábricu
Nel Entornu Cantábricu recréense ecosistemes propios del Cantábricu, como les viesques, los hábitats d'alta montaña y otros típicamente costeros.
La Factoría Vexetal
Les coleiciones de la Factoría vexetal dedíquense a les plantes presentes na nuestra vida diaria, como alimentu, melecines, texíos o símbolos relixosos.
El Xardín de la Isla
El Xardín históricu de La Isla ye un xardín románticu de finales del s. XIX qu'integra la guapura de la flora orniamental col simbolismu del agua.
L'Itinerariu Atlánticu
L'Itinerariu Atlánticu ta dedicáu a los paisaxes vexetales (biomes) de dambes orielles del Atlánticu Norte. Anguaño, son visitiables les viesques Templaes d'Europa y la recreación de los biomes boreales, européu y americanu.
El Bancu de Xermoplasma
El Bancu de Xermoplasma conserva semiente d’especies prioritaries pa la conservación n’Asturies, amás d’especies indicadores d’hábitats naturales d’interés.
L'Herbariu (XBAX)
L’Herbariu ye un recursu básicu pal conocimientu de la flora ibérica. Abelluga material históricu del padre M. Laínz, destacáu botánicu español del s. XX.
El Xardín Botánicu esmolezse pola acccesibilidá de les persones, consulta los nuestros percorríos recomendaos pa persones con movilidá reducida y l’Informe d’accesibilidá TUR4ALL.
L’enclín científicu del Xardín Botánicu Atlánticu ye contribuyir a la sostenibilidá de los recursos naturales del planeta al traviés del estudiu y conservación de les plantes y de los ecosistemes que dependen d’elles. Poro, el Conceyu de Xixón caltién un conveniu de collaboración cola Universidá d’Uviéu. Consulta tola información sobre los y les componentes del equipu téunicu y les sos llínies principales de trabayu y accedi a los documentos sobre la so actividá investigadora.
Consulta l'axenda cola programación del Xardín Botánicu.
El Xardín Botánicu dedica parte de los sos recursos humanos y económicos a la investigación y a la collaboración con investigadores y con instituciones científiques que dan a conocer los sos resultaos al traviés de delles llinies editoriales.
LlIBROS SERIE DOCUMENTOS DEL BOTÁNICu GUÍeS Y CATÁLOGOS folletos MATERIAL DIDÁuTICO OTReS
Descubri tolos trámites del Xardín Botánicu.
Nun escaezas que'l Xardín Botánicu ye un muséu de seres vivos. Pa garantizar a tolos y toles visitantes un ambiente seguru y agradable y preservar l'hábitat de les plantes y la vida silvestre tenga en cuenta lo siguiente:
- Son transitables los caminos, senderos y praderes. Por favor, nun pisar los parterres, les zones cultivaes nin les dunes arenoses.
- Dispón d'una zona afayada como merenderu na Pradera del Itinerariu Atlánticu y en La Carbayera del Tragamón. Caltenga llimpiu’l Xardín usando les cuatro árees de reciclaxe disponibles pa dexar la so basura.
- La conservación del recintu nun permite l'acceso d'animales domésticos, sacante perros guía, nin de vehículos (sacante sielles de ruedes o de bebés).
- Nun se permite coyer, arrancar o comer nengún tipu d'elementu vexetal (rames, flores, frutos...).
- Recomiéndase nun fumar nel recintu.
- Atiendi a les indicaciones del personal no que se refier al accesu a zones zarraes por obres o mantenimientu.
