L’oxetivu d’esti taller ye doble. Per un llau, vamos trabayar pa incorporar bones práutiques de seguridá, pa protexenos énte engaños n’Internet y xestionar la identidá dixital en llinia. Pel otru llau, vamos abordar los distintos usos que-yos damos a les redes sociales y programes de mensaxería como Whatsapp, atendiendo a los conflictos que puedan derivase d’elles y les sos posibles consecuencies llegales.
Conteníos:
Redes sociales y apps. Usos positivos y usos conflictivos (videoxuegos, lligue, comunicación interpersonal, compres on-line, pornografía…)
-
La importancia de protexer les tos cuentes: usos conscientes, contraseñes segures, intimidá y privacidá nos datos y imáxenes compartíes.
-
Reconocer y prevenir engaños na rede.
-
Ciberbullying, grooming y sextorsión. Cuando soi víctima, cuando soi testigu: Cómo actuar, a quién informar.
-
Qué son la buelga dixital y la identidá dixital.
-
Ciberdelitos y les sos consecuencies llegales.
